黑白玫瑰

呢塊係雙面布黎，底底面面都咁靚：



銀灰同黑色兩邊，各有各靚．

剪咗兩塊灰色布做裡布，又好似唔夠華麗．



都係轉用銀灰色絹面布啦!

好跣手, 縫既時候要小心, 唔好走位.

兩個包包既包身都做好晒，就上口金框啦．我選咗呢個古銅色大粒波波口金框去配呢款銀灰底口金．雖然個扣好似鬆鬆地，但可以用鉗夾返實D既。

入面用絹面，果然華麗好多：



而黑色果個呢, 就用小葫蘆銀色口金框, 已經縫咗一個絹面料, 有經驗啦, 知到點就位就可以貼服d.

快快手手就整好晒

真係各花入各眼, 你地話邊隻靚d呢?



大家問我做咁多包包係咪拎黎賣架喎? 邊有本事出到咁多貨去賣吖? 工時三粒鐘一隻, 就算義賣都要賣返二百蚊一隻先為到皮, 如果有人落單咁點算呀? 我去邊度搵咁多時間整喎!

都係隨緣啦, 有緣人自然會拎定張抬頭兒童癌病基金既支票先開口架啦。