出老千!

Bibi住宿舍，爸爸有時無聊，都會自己一個人係度鋤弟．情況就好似以前公公咁，一個人派四份牌，自己係度砌十三張一樣．

咁我見佢咁悶咯，咪偶爾同佢玩下咯．

呢日，我趁佢派緊牌，就入廚房煲水．跟手出黎，睇下副牌，乜咁架？一隻弟都冇？算啦，但就有好多三隻同四隻喎，求求其其砌好，爸爸叫我出牌，我就出呢五張：



咁佢話大咯，我咪又出呢五張咯：

嗄？又冇？好！我又出：

仲係冇？咁就呢五張：



到我出呢五張之後，爸爸先發現我已經Last Card啦，即刻喝住我，話有得出喎．

終於佢忍痛拆返四隻弟出黎，用弟俘黎打我．

跟住佢就出條蛇：

再出花：

又再出花：

跟住又係五隻：

Last Card出埋，我咁就瓜老襯啦！

我最後一隻係煙黎，其實我冇理由會輸既．如果爸爸唔係論盡，搞到我Last Card先肯拆牌去打我既話，佢ｃ咗好耐啦．

後來，爸爸都忍唔住自首：

其實頭先你入咗廚房，我靜雞雞拎走咗你兩隻弟，換咗兩隻牌俾你，先會一隻弟都冇咋．

講真吖，如果我真係同人賭既話，最後輸一隻，都唔會點入肉．

從賭博中，亦可以睇出一個人既性格既，所以ｄ人咁鍾意係賭檯度揀女婿就係咁啦．但打麻雀呢家野我就超唔掂兼冇心機經營既，呢招唔啱我用．

不過，今次呢副奇牌，真係笑甩我地棚牙呀．