貓王?

呢隻貓，係白田邨巴士總站既地膽黎，佢都有少少來頭架。



話說佢曾經上過棵樹，又唔曉落返黎。

搞到要勞煩消防員出動雲梯黎拯救佢



我派左記者爸爸到現場採訪過呢位貓王，但佢愛理不理，十問九唔應。
 

見唔見佢心口有個發字呀? 係呢個站既人養開既。



我問爸爸: 乜解究佢成日屈埋隻腳既?

 

爸爸: 佢鍾意咁咪咁咯，有型吖麻。

 

咁你影返幅有齊四隻腳既相我睇下啦。

係喎，D腳睇落咁短可能佢太肥，唔想俾人見到唧。



我同姑姐地清明果日都有去過採訪佢，全程都不知幾有型格。

可惜，呢位貓王有個壞習慣，間唔中會捐入車底抖下。

所謂捐得車底多，終遇C火.....

有一日，佢終於因為呢個壞習慣變成C餅..... 仲要係最錫佢果位車長: 貓老豆，親手做成既。當然啦，佢開咗車之後係唔知發生咩事既，其他同事都唔知好唔好話佢知。計我話呢，同佢收屍之後，當隻貓走失咗，仲好過。家陣講俾佢知，你叫佢點自處呢? 我問點解要話佢知，因為站頭人多口雜，始終紙包唔住火，佢點都會收到風既。

最後，當然令阿貓老豆好唔開心，好down。希望佢可以盡快走出陰霾啦!