哈囉媽咪

自從PC狗出世後，我既信心大咗好多，睇怕我都係時候可以整下Hello Kitty啦掛?



好，就整個最簡單既。

其實Hello Kitty真係好蝦人既，筆畫稍有偏差就已經唔靚啦。再跟住D咁既線去刻，再飄移多少少既話，就更不堪。



整完PC狗之後，我覺得自己又進步少少啦，應該可以handle到佢掛?



因為要送外賣，教人做手工，所以我帶咗呢個印子出街整。係人地努力緊果陣，我都趁空檔，自己整下野麻。



老實講，真係唔係幾順，可能我唔夠愛佢，亦可能係因為教人時，中途放低把刀太多次，未能一氣呵成。(用乜鬼藉口吖，未夠班至真!)



蓋出黎就睇到大細超.... 咁唯有執啦，呢樣係不可饒恕既罪行黎。



最後，手、蝴蝶、眼都有瑕疵，尤幸都未算嚴重。



唔執啦，一陣錯手咪弊! 相信就算深愛Hello Kitty的粉絲，對呢個印都唔會太大反感既。