牛油紙係可以循環再用既，所以我有時都會擦返乾淨，再用黎起稿。
大家都知我畫野幾求其架啦，呢一幅係樹枝既部份，難在多花蕊，細微既部份有好多，加上我為咗慳材料，仲縮到好細黎整。有朋友話: 咁辛苦刻個章，做咩唔做大個D? 反正都係刻咯。
係喎! 做咩咁傻仔，搵咗自己笨添! 越細就線條要越幼．唉..... 真係雕到索氣，分咗好多集去整。
好不容易，過咗好多日終於刻晒個大概。
清埋現場先係最煩既開始，整整下根本都唔知自己雕咗D咩出黎，鑑於太多花蕊既關係，恐防錯手將D要保留既部份唔小心鏟走咗，都係穩陣D，第二朝上一上墨先繼續清埋D碎料。
有顏色就易睇ｄ，執咗一大輪，七點幾搞到九點半，唔記得call人食早餐添。
印出黎，勉勉強強收貨啦。唔再執住啦，第日用先搞啦。
單單睇呢幅，就算冇花瓣，都唔太差吖．
沒有留言:
張貼留言