網上流傳一個快速煲粥法，甚麼五分鐘搞定，真有如此神妙？
就等我黎試下，先洗米
就等我黎試下，先洗米
放入冷藏庫儲存，變硬後取出
水滾後，放米．煮咗五分鐘後，米只係裂開唧，未爆晒既．
再煮多五分鐘，
尚有米粒
咁唯有再煮多五分鐘
咁唯有再煮多五分鐘
已經係中大火架啦
今次叫好少少啦
收火俾大家睇下
好似都叫做開咗花
畢碗上黎食下先，外型就似粥啦
但其實質感一ｄ都唔夠綿密，似食緊飯碎粥，今次既實驗算係失敗啦．
我平日就算放工返到屋企先話想食粥，果一刻先去洗米煲粥，滾五分鐘收火，加蓋等佢焗下，過幾個字再開火滾佢十分鐘，再焗半個鐘開晒花既效果仲好過佢好多喎．
要趕時間煮粥既話，不如用冷飯仲快啦！
煲得都好呀!
回覆刪除[版主回覆04/10/2013 10:08:53]個樣掂, 但實際口感麻麻.
我用果個方法會D粥會好綿, 但有少少唔同你個方法我係YOUTUBE睇一個日本節目他教是米連水一同雪在冰格令米變冰, 因為這樣才能令米身有多洞, 煮時就可以好快速咁變熟, 你試下呀。
回覆刪除[版主回覆04/10/2013 10:09:23]我真係有計過時架, 連米都試咗兩隻去做過實驗既.
[版主回覆04/10/2013 10:08:29]我兩款都測試過架啦. 始終唔及我平日用既方法咁正. 我地食慣廣東粥既, 都有少少要求既.
原來你已經有快速煮粥法！
回覆刪除[版主回覆04/11/2013 06:20:01]其實最緊要知道自己想要咩既唧，喜歡食粥既，又點會鍾意飯碎feel架。就算潮州粥入面啲飯粒都係花左花架嘛。
似潮州粥多啲喎！
回覆刪除[版主回覆04/11/2013 06:22:00]但啲散左既米，不是開左花既米，口感唔正。為左公道起見，我都試過唔同既米，效果都係強差人意。
我都認為用冷飯仲快……
回覆刪除[版主回覆04/11/2013 08:26:18]咪係!
haha 無錯, 用冷飯會快好多
回覆刪除[版主回覆04/14/2013 06:42:13]用冷飯直頭快靚正啦。