呢幅係資料圖樣 ，哈囉媽咪嬰兒系列。
我唔係佢粉絲，但既然呢堂係做呢樣，焗住玩下啦。呢盆係搣匙既示範作，有同學話驚自己到時交唔到差，都有呢幅頂住喎。
我地最主要係學基本技巧，同埋認識先後次序。
我係話頭醒尾既，做過咁多手作，呢D野難唔到我既，只差時間去練下唧。
話咁快就過咗大半時間，我地都畫得七七八八。
D同學都好俾心機架
呢隻木馬真係可以企係度既，如果有take 2既話，我一定唔會咁設計。
整完就放入風乾機吹下，等D糖面快D乾。可惜我地中間果隔原來係放唔入隻馬仔架，我就係咁將隻木馬壓壞咗。
走時有紙盒提供，我鋪了廚用紙在盒底才放自己的餅餅。
第一次整係咁上下啦，大家有冇發現有咩唔妥呢?
我一早就坦白重寛架啦......
就係工人褲Kitty
冇扣鈕呀!
我都話咗我唔係佢粉絲黎架啦!
靚呀！
回覆刪除呢樣野果然令到D媽咪迷好開心。
刪除幾靚喎!
回覆刪除都幾好玩，好過玩填色冊。
刪除好靚，有啲啲唔捨得食……
回覆刪除大部份人都唔會捨得食，只有小朋友先會毫不考慮大啖咬。
刪除整得好靚呢！♥(ฅ'ω'ฅ)
回覆刪除本身造型簡單，大家都會做得好。
刪除