美食博覽2022

一年一度既親子活動，總要去一趟。 

我覺得自己進化咗，只係買咗兩罐豆豉鯪魚$29，一樽馬友鹹魚$150，兩pack豬扒+兩pack豬展$100，一支飲品$10，兩包青衣魚柳$100，同埋一小杯布丁$12。

又買咗五張美心月餅券，三張同事既，一張送人，留一張俾自己。抽獎抽咗兩盒仔蛋捲同埋一包豆蓉鹹蛋黃冰皮月餅。第二日就食晒，美心既蛋卷都食得下喎!

咁既份量，我去一次街市都唔止啦，Bibi話我已經八風吹不動啦!

第二日食咗包波蘭豬扒，唔錯喎。而D豬展呢，亦相當滿意，我開咗一包，一舊用鹽醃咸佢，留返第日煲粥；另一舊切片，普通調味，用咗一半黎滾蕃茄薯仔紫洋蔥加娃娃菜湯，仲加咗少少金華火腿，已經好夠味，煲完出黎既豬展，肉質嫰滑，意想不到的優質。