原本早就起草了左邊的印章，一寸見方．
左瞧瞧，右看看，不順眼啊！
對！可能太大啦！又再描一個小的，今回合眼緣多了．
這是金文字體，為五月份生日朋友所作．大家可猜到是什麼字嗎？
P字上面一把梳，又放在左下角，自然是（印）字啦．
門內有把手，又有兩粒門閂，就是（關）了．
關字下面的一列箭頭是什麼呢？原來是鳳凰的羽毛啊，此乃（鳳）字，又講得通啊．
那左上角的字呢？相信沒人會猜得著．
答案是（姬）字啊！這個我可不會解畫了，就由你們發揮想像力吧！
2010年5月25日 星期二
2010年5月24日 星期一
印仔八十八 - 給甜記的名字章
近來，我問自己：既然你會為網友做手作，為什麼不考慮回饋多年好友呢？
這個名字章，是為其中一位五月出生的好朋友而做的．
人家當日仍在學習階段，技巧稚嫩，仍有很大的改善空間．
再修一修，又再蓋印多回
衛生紙版本的印鑑，清晰可見
希望甜記你不要嫌棄，請笑納！
2010年5月23日 星期日
私房午餐 @ Twyst
為友人慶生，大家選了這間在柏廷坊八樓的食店．
是日午餐，在我來說，不吃牛羊，只得兩個選擇．
先來香草包，佐以蕃茄粒粒
頭盆我選了這個：炸芝士，芒果蓉大蝦，巴馬火腿配蜜瓜
朋友的鴨胸梨子沙律
餐湯
我的香橙汁燒魚，另一位的烤羊架沒有拍
一人一客的甜品：泡芙，薑味雪糕，白朱古力慕司
加上餐飲一杯，不失為一個愜意的午餐啊！
2010年5月22日 星期六
2010年5月21日 星期五
Sweet Sweet 的感覺 XXXIII - 粽子飄香二的結果
阿靚（我老闆既嬸嬸）上次拎粽子黎我公司，話中途有人攔途截劫，令爸爸少咗一隻配給喎，所以又再包多次粽子過我地歎．（可能佢知我唔獨食，實會分ｄ俾人，驚我地唔夠食就真！）
今次呢ｄ同上年有ｄ唔同，佢加咗蝦米，入面既五香肥豬肉變成半肥瘦，可能覺得我ｄ豬腩都夠勁啦，所以專登整瘦ｄ既，等我食咗都唔會太肥．仲整色整水加咗幾粒紅豆做裝飾添！味道？點都好過街外買果ｄ既．
睇下：糯米已經烚浸，組織緊密，賣相幾好架．
無以為報，整野食我點夠佢黎吖？唯有整返少少禮物仔佢啦．
我識鬼咩？都只係哎吔叫做識整兩樣野，一係雕印仔，一係就玩粘土．迷你野呢，嬸嬸都好鍾意架，所以我趁佢就黎生日，就回佢一個蛋糕啦．
呢個係金箔牛油果蛋糕
加配黑白朱古力片，新鮮士多啤梨及鮮檸片
加上鮮忌廉圈及紅莓果占，甜甜酸酸的，令人胃口大開
老人家賀壽o麻，定要大個一點啦，三磅庄蛋糕速速送到！
2010年5月20日 星期四
印仔八十七 － 送給媽咪迷
上年執拾Bibi的文具，找到了這塊擦子膠，一套四件，最初收到時，已經開了一件黎擦野，留下三塊一直未有使用．默默的躺在筆盒中，過了十個寒暑．
拿上手，心中記起了小琪兒．媽咪迷啊！立即動手雕一個印仔．漂漂亮亮的，未用已經加分了．
這個當然是我的墨寶了，當年．．．我有俾心機落筆架！
沾上印泥，預備蓋章．
效果不錯啊！但想想：她的生日又過了，聖誕嗎？已經有blog blog趣禮了，總不成太偏心，讓她額外多一份禮物吧？
所以，只好留到今年才送出咯！媽咪產品，相信她都收過不少，這個麻，恐怕從未收過呢！
祝你生日快樂呀！
2010年5月19日 星期三
五月咋喎！粽子飄香？
老闆外遊，忽然收到佢個鐘點嬸嬸既電話．
嬸嬸：我依家上緊黎．
嗄？你上黎做咩呀？
我黎到你門口啦！即刻出去睇睇，未行到出接待處，已經聞到陣陣粽子香味．
嘩！做乜你咁快就包粽呀？
你老闆飛咗，我得閒吖麻，我鍾意整俾你食咪包咯．
哈哈！發達啦！呢度係我同Bibi既配給．
爸爸都有專屬素粽架！
全部都是燙手般熱，我冇咁獨食既，都分咗幾隻俾人．
每年收到大家包既粽子，特別高興，特別感恩，或者因為我年紀越來越大掛？
2010年5月18日 星期二
印仔八十六 - 事在人為
又一個印篆陰刻章，因為唔駛清理現場，陰刻係快好多既，但就會出現粗幼不一既問題．
所以，多數都唔會一take過搞掂，要修下既．
改完一次又一次，修下ｄ角，又修下ｄ邊．呢個印係成個月前雕架啦，所以呢，技術就唔係咁純熟．字亦寫得有ｄ歪．．．
原來印在紙巾上，效果先係最正既．
如果．．．用Versa Craft，印上手巾仔度，又或者布布度做識認既話．．．真係唔錯喎！
計我話呢．．．比起英文名既橡皮章有型得多啦！
2010年5月17日 星期一
我的童年回憶 - 格格威化餅
拿！拿！拿！八十後，睇下呢ｄ係乜東東？你地細個都唔慌有機會食過啦．
呢ｄ就係我細個果陣食既威化餅黎，放係果ｄ士多辦館入面既玻璃樽度散賣既，一般只會係云呢拿同朱古力味既唧，但我今次就買咗檸檬味．早年香港既康元餅廠都好似出過呢款威化，一大包透明袋既，但係就唔算受歡迎，依家都唔多覺眼有得賣啦．
打開咗係咁既，一大陣檸檬青香撲鼻而來．．．
咦！乜家陣冇咗大地兩個字做嘜頭架？
應該點食既呢？有ｄ細路就鍾意搣開一格格咁食，有ｄ就大啖咬．我呢．．．專係教壞細路既．．．．
梗係輕輕揭開佢，逐層慢慢歎啦！你話我食得生積都係咁話啦，咁先係細路o麻．
即係咁，唔想開過另一件黎示範俾大家睇，所以俾唔到一件揭開完整既你地望啦．
事關我仲要分ｄ童年回憶俾ｄ同事，齊齊開心下架o麻．
一個從來未食過呢ｄ格格威化既女仔話：你俾我食果塊威化呢．．．超好食呀！係邊度買架？
咪荃灣咯！要搵日同爸爸去開shopping先買到啦，等多三億五千萬年先啦！
2010年5月16日 星期日
印仔八十五 － 送給開心快活人
網友又搞生日會，原本我都可以參加架，但因為我之前已經有約，下午有兩位老朋友既生日飯食，跟手佢地可能有餘慶，所以我五點就閃去赴另一約會，好似唔係咁好．
既然去唔到，就禮到人不到啦！
今次既主角係Show Me同開心快活人，老實講吖，我只認識Show Me架咋．但佢到底叫咩名呢？問咗幾個有份去既網友都唔知喎！真係無從稽考了．唔想打草驚蛇，初時我諗住為呢個製餅師整個 "酥咪製造" 既，但又驚佢咁年輕，接受唔到．都係咪啦，就整個Homemade by Show Me啦．哈哈，早上趕住寄出去俾信鴿媽打，又夠鐘開工咯喎，冇影到相．我衰到連蓋印需知都漏寄呀．．．
至於開心快活人呢，我初時諗住整"開心快活人印"既篆刻章俾佢既，但咁樣好似長咗ｄ，而且我又要趕住交貨，都係懶ｄ，做個方形章算啦．
我既草稿，已經好用心寫架啦，有ｄluen弓蝦米？冇有怕，一路雕，一路修正咪得咯．
呢款係變篆字，開心呢兩個字，我早就學識咗啦，但快活呢？真係估佢唔到，淨係象到個豎心邊咋！
雕好啦，加返ｄ色先，望落去都冇乜瑕疵吖．
印咗效果啦，ｏｏ地ｋ既．雖然第一印通常會未夠色既，唔再印過啦，費事晒墨呀！
送俾人，唔可以用呢個色，唔夠開心
不如就大路ｄ，用刻章最常用既紅色啦！我選了一個鮮紅的，咁就喜氣洋洋啦！
哎吔～～～，又俾我發現到蝦碌啦！乜咁論盡架？唔通我記錯？定係抄錯？噫或根本冇錯呢？個快字右邊最後一筆，係咪應該同個橫畫相連架拿？
訂閱：
文章 (Atom)