我的童年回憶 - 格格威化餅

拿！拿！拿！八十後，睇下呢ｄ係乜東東？你地細個都唔慌有機會食過啦．

呢ｄ就係我細個果陣食既威化餅黎，放係果ｄ士多辦館入面既玻璃樽度散賣既，一般只會係云呢拿同朱古力味既唧，但我今次就買咗檸檬味．早年香港既康元餅廠都好似出過呢款威化，一大包透明袋既，但係就唔算受歡迎，依家都唔多覺眼有得賣啦．

打開咗係咁既，一大陣檸檬青香撲鼻而來．．．

咦！乜家陣冇咗大地兩個字做嘜頭架？

應該點食既呢？有ｄ細路就鍾意搣開一格格咁食，有ｄ就大啖咬．我呢．．．專係教壞細路既．．．．

梗係輕輕揭開佢，逐層慢慢歎啦！你話我食得生積都係咁話啦，咁先係細路o麻．

即係咁，唔想開過另一件黎示範俾大家睇，所以俾唔到一件揭開完整既你地望啦．

事關我仲要分ｄ童年回憶俾ｄ同事，齊齊開心下架o麻．

一個從來未食過呢ｄ格格威化既女仔話：你俾我食果塊威化呢．．．超好食呀！係邊度買架？

咪荃灣咯！要搵日同爸爸去開shopping先買到啦，等多三億五千萬年先啦！