輪到我掌廚咯喎，咁梗係要好ｄ招呼啦。
巧婦難為無米炊，得生菜同薯仔。都好啦，照煮。
爸爸食素，所以呢餐雖然有雞食，都會顧住佢既。
我地用咗糙米同花生蒸飯，咁爸爸就多樣野食下啦。
我煮咗薯仔絲炒蛋，呢味餸又經濟，又快趣，一陣就煮好架啦。
先將一隻細薯仔刨皮切薄片，再切幼絲，咪諗到咁複雜得架，又唔係叫你繡花，切完都唔駛幾分鐘架咋。三隻蛋加少少鹽打勻佢。
用少少油炒薯仔絲，加ｄ鹽同少少水，煮到水份收乾（你可以夾條黎食下，睇下佢夠腍未架，唔夠就再加ｄｄ水煮下添咯），推開ｄ薯絲，係鑊中心再加ｄ油，倒蛋汁入去，撥返ｄ薯絲去ｄ蛋汁度，見佢幾平均啦，就由得佢煎一陣到一面既蛋成形及黃黃地，反身再煎埋另一邊就OK架啦。
d上海人就鍾意爽口既薯絲既，我地食唔慣，都係鍾意薯仔腍既．
豆豉炒生菜，咁就冇淨灼菜咁寡啦。
哈哈，五豐行既鹽焗雞都唔錯架，又夠瘦，一隻夠我同Bibi食兩日架啦。
咁你地知道點解我地成日食素，我都唔會瘦得去邊啦！
沒有留言:
張貼留言