印仔九十 - 快高長大

五月廿三日，係爸爸既生日，亦都係呢個同佢同年同月同日兼差唔多時辰出世既牛B既生日！

我想做一個印章俾佢做紀念，揀咗快高長大．因為佢實在太un豬啦．．．望落去仲un過Bibi細個果陣，而且冇厘精神既，咁點得架？

呢個章，上個月就做好啦，所以係好早期既印章黎．係架，爭一個月既磨練，就爭好遠架啦．

快高長大喎．．．真係唔係人人睇得明架，如果唔解畫就真係有ｄclick啦．

好鍾意印係紙巾既效果，好似專屬餐紙咁．

你地又睇下呢個印章！知唔知衰咩呀？

睇到未呀？印出黎俾你地睇清楚ｄ啦：

我寫咗長大快高呀！陰功咯．．．雕完先知自己衰咗呀．

起草果陣唔覺架，都係自己大懵咯，白費心機，仲晒咗一忽好擦膠添．咁唯有從頭黎過，於是，我一共做咗兩個呢ｄ印呀，真係夠晒蝦碌啦！

好啦，萬事俱備，這就是我送給牛B的小禮物了，你要生生性性，孝順父母啊！

牛B，其實你都幾靚仔下架，快ｄ長返ｄ肉肉，等我地可以安心咬啖至得架！

至於我地爸爸呢，我都做咗一個玉壐俾佢．

唔駛解話啦，你地咁聰明，應該識睇啦！