印仔八十二 - 我要升呢！

我又要升呢啦！雖然休學咗一排，但假假地都叫做中學生麻，好應該係學期完畢前交下升班作業既．

今次唔係套色章，只係一個碎花印仔黎。我去開圖書館搵篆刻資料果陣，見到中國剪紙藝術有d係講做花邊既，咁就抽咗一截出黎，試下雕個花邊印仔啦。

咁都用咗三晚架啦，因為都幾傷神．佢有幾大？三寸咁上下長啦．乜我d手指咁短架咋!

人地就原本係青一色既，但最近我買咗套新玩具，正好拎黎玩下。睇下印出黎既花紋同呢ｄ印台筆既比例，就知雕呢個印仔都唔係容易架．

我第一次學人用兩隻顏色去印野，手勢尚待改善．

弊！染咗少少花花既顏色去ｄ葉度添。下次啦，下次會小心ｄ架啦．

冇緊要啦，都試到個效果咯。個近鏡都唔係好嚇人唧．

都幾靚吖！用黎做書籤或者卡仔都唔錯架．

咩話？ｄ花瓣有ｄ岩蠶？

我專登架，咁先自然吖麻！