我係一個日日都要睇書既人黎，咁啱週末掛住玩，去咗街．跟住第日去圖書館又趕頭趕命，將ｄ書還晒又冇時間入返ｄ新貨．缺糧添！
星期一就拎咗Bibi一本迷你老夫子頂住早上既車程先，放工又趕車，冇帶到其他讀物走．到咗星期二，唯有打爸爸主意啦，係佢既專區度搵料．果度大部份係ｄ宗教書，想悶瓜我咩！好彩，都叫做搵到呢本孔子傳既漫畫．
其實我對呢位萬世師表一向都冇乜認識既，除咗聽過下佢幾位子弟既名，同大家成日講既金句之外，就咩都唔知啦．睇過呢本漫畫之後，咁多少都知道下佢既生平事跡既．
又到放工，今次我醒啦，記得拎書，拆埋手頭最後一套金庸小說，得兩集既飛狐外傳，要慳ｄ睇啦．．．事關跟住既週末都有街去，鬼得閒去借書咩！
老實講，都未去到走投無路既，至多拎埋訂閱又唔得閒睇，放埋一邊既讀者文摘存貨出黎，又或者將一早儲備，從報章上剪出黎既篇章攞返出黎，都可以頂到兩個星期架！
沒有留言:
張貼留言