印仔八十四 - 俄羅斯娃娃

我真係唔明白，點解依家ｄ後生女咁鍾意俄羅斯娃娃既？布布要揀俄B，印仔又話要蓋俄B．到底佢有咩魅力呢？

或者，呢ｄ就叫代溝啦．．．．

但係，為咗進一步了解俄B，我唯有親身上陣，自己整返個先！

唉～搞到佢成個阿婆咁．．

雕咗成晚，點都唔夠機器啤出黎既咁完美，Bibi連眼尾都唔稍一下呀！

第一稿，印咗出黎，佢個樣都幾可愛吖，都唔算好難雕唧，清理現場功夫仍未到家，可能我真係需要一ｄ工具輔助喎．

又玩下顏色先！

放工返去，趕住煮飯，快快手手試蓋就算啦，唔係，又有人話我失職架啦．一日到黑都掛住玩．．．．

嘴角多咗少少，修下先．

其實佢塊頭巾同朵花，我係用咗兩隻唔同牌子既紫紅色架，但蓋出黎竟然咁上下色喎．都係單色易搞ｄ，唔駛就住就住，快好多呀！