兔斯基

上年係兔年，我曾經用兔斯基黎做主題，做咗一批講出黎都笑大人地個口既所謂紙蕾絲匙扣。當時Bibi都buy我呢個艾D牙架。大家有興趣可以睇返呢篇:(http://blog.yahoo.com/_CE4FCPW4GZQH4X3DQLOP7Z2KYY/articles/37312)

近日都冇咩公仔好雕啦，就整隻兔斯基玩下啦。我都幾鍾意佢呢個造型架:

咁快慶祝國慶?

呢日係農曆五月十九，小暑，天氣鬼咁熱。



上星期係市中心已經見呢個裝置搭建緊架啦。



果陣我都覺得奇架啦，點解回歸紀念日先黎搭景呀?原來係當慶祝特區成立15周年同埋國慶既。咦，咁咪即係呢個裝置會擺到十月!

 

內圍由盤古初開講起 ..... 。咦，點解好似冇遊人咁既?

你地都見到幾鬼曬架啦，我冒住中暑既危險影俾你地睇架咋。

介紹多個朝代

秦朝、元朝等等

到辛亥革命及新中國都有。

外圍就介紹屯門區既景點同演變

屯門不斷蛻變，屋苑林立。

政府口口聲聲話屯門人鯁咗咁多厭惡性設施，將來會俾返D好野我地喎。到目前為止，只得一個西鐵站，好似唔係政府俾錢起架喎。



而呢條港珠澳大橋呢，都係阿爺拍板先有得玩既。

咁奇怪既? 橋既盡頭好以一個浮台咁既?

去完圖書館就逛超市，順手買咗舊冬瓜。超過一公斤，只係$4.8，超抵。

洗洗佢，切開八大塊。

 

連埋D果皮、煊威火腿片

加一大舊豬展(白色既唔係肥肉黎，係豬筋呀，Bibi最鍾意)



全部凍水放晒入煲，滾起較中火，煲咗個零鐘就飲啦。



頭啖湯，寧舍滋味既! 清甜順喉，正到痺。

胡士托 Woodstock Snoopy

洋蔥湯

唔知大家有冇聽聞過洋蔥湯對咳有療效既呢? 但我地講緊既唔係一般既法式洋蔥湯喎。

早前家姐轉寄咗一篇有關飲洋蔥湯黎止咳既電郵，睇落相當簡單，但果D話咳到甩肺又睇咗好多次醫生既朋友問我試過未? 如果未，佢地又唔敢試過，驚d味道難頂呀。

 

小小手挽袋

偶然在一手工網站，發現了這個雙面袋．一於印個紙樣出來，動手做一個．

布包鈕小兔子

雖然我只係一個布包鈕初哥，成世人只係整過兩粒布包鈕咁大把，係我眼中，佢唔應該只係一粒鈕黎。

蝦碌蝴蝶飛

突然間好想整個蝴蝶印，呢D女仔野唔多啱我，但偶爾我都想試下咩效果，咁就簡單D做一個套色章啦。

畫功認真麻麻，左右不對稱。我手眼唔協調，冇計! 如果有畫功好既朋友用鉛筆畫係牛油紙度送俾我刻章既話，我絕對歡迎架!

眷村菜

年幾前睇咗呢本書，眷村入面，卧虎藏龍，有好多既簡單又易做既食譜，係好應該發揚光大既。

我諗住搵日依住下面既食譜整黎玩下，貼俾大家睇既。

小白

唔係啦掛？公司Ｄ同事，竟然冇人聽過貓狗寵物街？

呢齣係Bibi細個果陣既卡通黎，我最鍾意入面既一隻貓同呢隻狗仔啦．

枇杷巷口故人來 (全劇) - 任白戲寶

我細個係煲粵語殘片大既，呢齣枇杷巷口故人來，我真係一D印象都冇，睇怕好多人都未睇過，喜歡粵既朋友，得閒就睇下啦。

http://www.youtube.com/watch?v=d9tdnkiajaY&feature=relmfu

http://www.youtube.com/watch?v=d9tdnkiajaY&feature=player_detailpage#t=51s

紫蘿蘭係要修下既

雖然我唔多識種花，但公司四維都係紫蘿蘭，我對咗廿幾年，經驗話我知，紫蘿蘭既葉唔修剪下係唔得既。

我呢盆原本係迷你種黎，唔知係咪我個位光線勁呢? 佢D花同葉都比佢既母株大得多。

宇治金時

天時暑熱，見銀包入面仲有張七仔現金券，咁好啦，入去買雪糕啦。

一時間唔知買咩好，就揀咗呢盒東東：宇治金時雪條($29.9)



一盒六枝

外面係牛奶冰，入面係綠茶刨冰同紅豆粒粒。

咬開呢，頂部係有....

有少少鍊奶架

見唔見D刨冰粒粒?

仲有紅豆粒

味道都OK既，但因為頂部D鍊奶相對比較甜，食到冇鍊奶之後，就覺得淡咗D啦。又因為入面主要係刨冰黎，所以熱量相對地，亦比較低。

Alba的第一個印章

早上六點幾，時間尚早，唔駛咁早去搭車住．

小瓶子

史力加長者性貧血，要長期輸血，所以要自行打除鐵針。多虧香港有完善醫療制度，得享針葯補助。

 

針約抽走得，這些玻璃瓶子就變成垃圾。我想: 移走金屬蓋後，相信可以做迷你花瓶吧。

 

呢D就係用來稀釋葯粉變成針劑的水啦，一次性獨立包庄，確保不受污染。

一次過收集已經抽走晒D葯既小瓶子

原來鋁質金屬蓋是很易打開的

三兩下手勢，已經全部打開了。



連膠塞亦可以重用來封口，四眼妹說可買彩砂回來倒砂樽，我當然另有用途啦。

用水浸泡一輪，招紙自動脫落。

清洗過後，這些小瓶子，就可以大派用場啦。雖然對我來說，它們的體型略為高了一點，但將就一下，亦可以變成很可愛的小東西呢。



大家既海味鋪、零食店、口立濕店，或者都用得著呢!

蜘蛛蟹

爸爸其實好鍾意我提起佢既，但係人人都只係叫佢做May姨叔叔，佢就係我背後既難忍啦。

佢一向都先斬後奏架啦，咋咋啼啼就去氹一轉金魚街，成日帶D新住客返屋企。

今次就帶咗呢隻蜘蛛蟹啦:

我愛故事書

我出街，除咗超市去得最多之外，圖書館係我既第二蒲點。唔一定要去成人圖書館架，兒童圖書館都有好多書適合我地睇架。

雖然Bibi已經長大，但係我生活圈子入面，仲會接觸好多小朋友既，所以，我都會一路keep住留意兒童圖書既趨勢架。拿，呢套就認真值得推介啦！圖畫簡單，係幼兒學習德育既一套好書黎。



各位家長要切記：當你選擇兒童書時，自己都應該將思維調適到該本兒童書目標對象既狀態，將心比己，咁樣先可以真正接收到書上發出既訊息架。自己完全明白人地想為小朋友表達既訊息，你先可以引領佢地讀得更開心架。讀得開心，係最重要架！

大家要記住: 呢個世界上冇淺到你唔啱睇既書，只有你唔願睇既書唧！放開懷抱，融入小朋友既世界，你先可以多ｄ了解佢地諗乜架．

跟住就介紹一下適合中學生既英文圖書啦：

因為我想提升自己既英語能力，睇故事書就最啱啦。單睇書名，就吸引到我去借啦。

但估唔到入面既文字都幾有水準，好適合中學生閱讀，可以提升佢地既寫作能力架．

呢本就真係估佢唔到啦，老實講，因為書入面既國度係虛構既，所以Ｄ地名同人名，對我黎講都唔熟識，但內容都唔錯喎。就好似另類乞丐王子既故事咁，但中間既情節就複雜得多，對我地呢Ｄ睇慣伊索寓言、天方夜譚同世界童話既一代黎講，算比較新鮮。

原來Narnia呢個國度入面，所有動物都會講人話架，其中一隻會變身既獅子，擁有強大既神秘力量。。。。



我都幾怕悶架，童話英文故事書，Bibi細個果陣我就睇得多啦。所以都係搵Ｄ古古怪怪既書黎睇下，會有趣Ｄ。呢兩本應該係屬同一系列既，我趕時間，只係抽咗其中兩本．

貪佢字夠大，版面又夠疏，睇得好舒服，等我第日去借埋其他果幾本返黎睇埋佢先．

咪話我低能仔呀，我都係呢Ｄ書入面學識唔少生字架。