布包鈕小兔子

雖然我只係一個布包鈕初哥，成世人只係整過兩粒布包鈕咁大把，係我眼中，佢唔應該只係一粒鈕黎。

不如加少少變化，令佢變得更可愛吖。

隨手拎起張環保紙，剪了一個長穹形，將塊布碎對摺，再加少少紙口位剪咗兩條長布條。

對摺之後，沿邊縫合，在側邊留一厘米位用作反身。反身完成就挑幾針將開口收起。

我打算咁樣放係粒鈕後面:

用大頭針模擬一下完成既樣子

凹位向前定向後好呢?

都係向前好似好睇D，好啦，可以摺起耳腳，縫實佢啦。

我大約縫咗半寸咁上下啦。



放好對耳仔先定位



後面就係咁既:

見唔見呀? 我係打棟咁夾住中間位個窿咁縫架。

縫穩咗之後，就變成咁啦。耳仔既開合，係由你決定既，想拍埋一齊，下面就縫多針，想兩隻耳仔分開D，可以用少少UHU或熱溶膠定位既。我懶，就咁算啦。

大家可以用佢黎裝飾D袋呀、包包呀、小朋友既衫呀、甚至做髮飾都唔錯架。