書法書籤

點解我成日整咁多書法章呢?



養兵千日，用在一時。

若然不做，時辰未到唧。

其實最主要原因，係因為工序太繁複，一路都唔願動手。

不做不做還需做，始終都係要有一D動力令我非做不可既。

唔敢誇口話呢樣野係我首創，我早幾年已經做過一批磁石書法書籤，仲有幸得到世伯既真跡用來雕章呢! 大家可以回顧這兩篇: 
http://blog.yahoo.com/_CE4FCPW4GZQH4X3DQLOP7Z2KYY/articles/36898 http://blog.yahoo.com/_CE4FCPW4GZQH4X3DQLOP7Z2KYY/articles/36857

做呢類書籤損耗大，磁貼既吸攝力亦要對位，當年實在浪費了不少磁貼才掌握到應有技巧。

就算蓋章順利，到用凸字粉這一個工序亦會出現許多有瑕疵既次貨，有時不想浪費太多，就留作自用。

磁石書籤有好多優點: 不容易弄丟、而且看到那一行，也得容易在固定位置標出來。

我自己都算係半個書蟲，所以覺得呢樣產品非常實用。而且翻開書本時，有這樣一個書籤呈現眼前，都多添一點書卷氣啊!

因為製作太麻煩，所以等閒都不送人。其實係孤寒就真!

包裝方面，我都係傾向簡約，全部使用環保紙、雜誌、舊書皮等等。

只要襯色得宜，亦可成為一件大方得體的禮物啊。

我係度只係同大家分享做手作既樂趣架咋，你地千其咪諗住落訂單呀，我死咁懶，點會願做至得架?

日後有機會再義賣既話，先請大家多多支持啦。