蝦碌蝴蝶飛

突然間好想整個蝴蝶印，呢D女仔野唔多啱我，但偶爾我都想試下咩效果，咁就簡單D做一個套色章啦。

畫功認真麻麻，左右不對稱。我手眼唔協調，冇計! 如果有畫功好既朋友用鉛筆畫係牛油紙度送俾我刻章既話，我絕對歡迎架!



雕製較難既外框先

衰咗啦，蝴蝶中心有條線削到幼得滯添!

果然又一次蝦碌情況出現，真係DOWN。但都要安慰下自己既，本身畫到咁衰，又粗又幼咁，雕完出黎，條條線都咁上下粗幼，算OK架啦。

都要完成埋佢架，雕埋入面果塊底色章。

用粉紅色算啦。

印出黎係咁既:

如果係布上亂印，就會有咁既效果啦:

好驚自己唔識對位，如果歪晒，就唔夠靚啦。拿拿拿，咪話我知套色章要專登歪先得呀，我唔信架。

原來對位都唔算太難咋喎，三隻蝴蝶都冇出事。

黎張大合照，咁佢地就安安靜靜等待打入冷宮啦。