貓紋身

呢隻貓，原本係紋身圖案既一部份黎。我見佢幾有型，咪諗住雕黎玩下咯。可能真係有愛貓之人，會將佢放係自己身上都未定架!



出廳，見到爸爸入咗房玩電話，諗住冇死啦，冇人搞住晒。點知雕咗一半，佢就出黎問呢問路，打亂晒我D經脈。而且呢個印都幾複雜下，彎位又多，好傷神，都係做完外框就去抖抖啦。

第二晚再繼續，都花多成粒鐘先可以清理現場。抹乾淨晒，又睇唔到邊度要修，又唔想污染得佢咁緊要，用粉紅色試印。

冇陰功，都有幾多地方要執架，最難係鼻下面既位置。



好似得啦，但又唔多協調。

執完又執，第四印先叫做可以收貨。呢枝筆型印台，係師奶送俾我既，亦都係我既第一個印台黎。用咗幾年啦，仲有色架。

其實個印都唔算大，都係一寸咁上下啦，俾埋個印台仔大家睇下，就睇到佢既大細比例啦。

好啦，叫做了一件心事啦。