Bibi的熊仔屋

我既同事，好多都睇住Bibi大。尤其佢期日間中上我公司屈蛇，自然更多人錫佢啦。一到佢生日或聖誕節，就會收到大堆既禮物。為免重複，好多人都會問過想要咩先去買。

呢四間熊仔屋，係佢比較心愛既，可能因為賓賓收藏得太好，我地一路都唔知佢放咗係邊?





原來佢地連埋另一間玩具屋，放咗入一個不透明既哈囉媽咪袋入面，再放入一千年都唔會打開既玩具箱入面。直至我最近想搵D唔要既玩具出黎，先發現佢地既芳蹤。真係好似時間囊一樣，入土成十年先有人拎返佢地出黎。

全套四款Forever Friends熊仔屋，手板咁大間(唔計手指喎，即係半隻手掌咁上下大啦)，每個場景都有埋幾隻迷仔公仔係入面架。

呢間係睡房，有埋閣仔書房既。

房門、衣櫃門、樟木籠都打得開既。最抵死係張棉被，係可以揭起既。

呢度係後院，有埋樹屋既，係野餐好地方。

吊床真係可以搖架，野餐籃就梗係揭得開啦。

我最鍾意呢間沖涼房啦，都係複式設計，唔好問我隻熊仔點上到去。

睇下磨砂玻璃後面，沖完涼既熊仔幾爽! 污衣籃可以打開，連廁所板都係揭得起架，咁男仔、女仔都用得啦。哎吔，有隻熊仔叉錯腳添！

我相信呢個係客廳黎，起居室連開放式廚房。

雪櫃入面麻麻地多野食啦，張安樂椅都幾舒服既。

D公仔俾我地撈亂晒咁玩，家陣都唔知邊幾隻係邊間屋架啦。

呢盒呢，比較特別，都唔記得係邊個送架啦。

水上樂園黎，要係水度玩先得架。

有嬉水池、水上滑梯、跳板

沙灘椅、大陽傘

見唔見個箭咀呀? 好似係轉到咩冧把，按制就會係果度噴水出黎架。



咁lou gou既野我就好少俾Bibi玩既，所以佢都試過偷偷地拎入toilet，自己加水係度玩架。

其實仲有間小矮人住既屋仔架，可以著燈既添。可惜放咗七個小矮人，連埋白雪公主同巫婆既菲林筒唔知係邊度，所以都係費事影啦。