妹仔大過主人婆

我種越南椒，隔離位就種香花菜，諗住一人種一樣，就有得食啦。

點知種種下，寧寧舍舍有一棵生得特別快，仲好快就有花蕾添!

 

 

咦，好似一個頭入面有好多花仔咁，十足菊花咁既格局。

第二日，仲俾我發玩側邊多咗D花蕾添。



唔單止佢呀，睇下下面: 仲有另一棵異族。

呢位佳麗又唔知係乜東東黎。

我同事話，如果係雜草就應該除去。但我話人地咁生性開花俾你睇，就由得佢啦。

幾得意，果一球仔花係會逐粒爆開架。

我相信呢，並不是佢D種籽有問題，我諗應該係佢D泥入面有我果D有機羊肥，睇怕佢由紐西蘭移民到香港之後，係羊肥入面沉睡好耐架啦。依家先開始蒲頭就真!

為免佢搶晒人地香花菜既營養，就同佢分盆，俾間豪宅佢住下啦．



睇下佢幾生性，仲一開就三朵．



連下面個丫叉，都標緊花蕾啦！