都算抵喎!

又玩團購，今次係老字號東方紅。

$388，有中碼宗谷元貝六兩同花菰四兩。



因為唔想咁丫咋，一拎咗返公司，即刻拆晒D包裝，用保鮮袋拎返屋企。唔記得影佢懶係豪華既包裝添!

咁是但啦，我做人比較平實，食野唔係食個盒，所以D浮誇野早就俾我掉晒啦。

我初時都驚唔抵架，始終買野，尤其網上購物，都擔心實物冇相片咁好既。但今次間公司都幾靠得住，而且佢幅相影出黎，都有返咁上下粒數，反正我買碎貝，四兩都要百幾蚊啦。一於搏一鋪。

花菰其實係冇咩特別既，我一袋就袋晒入袋，費事再拆俾你地研究啦。



瑤柱呢，一打開好大陣味，我都係驚太揚，快快手袋晒佢。但打開個盒呢，真係好香既。

色澤都唔錯，我要黎煲湯，煲粥既唧，幾OK架啦。

咁你話佢有幾大粒呢? 一蚊咁上下啦。

即係咁，係咪好抵我就唔太清楚啦，但亦都唔會貴得太離譜，用黎送禮都唔錯架。佢地未俾我施暴之前，都好見得人架。