素粥

爸爸成日煮飯都亂咁黎，搞到好多冷飯剩．

咁好啦，就拎黎煮粥啦．記住喎，加少少凍水入ｄ冷飯度，就可以好易咁打散晒ｄ飯架啦．

因為打風，我買唔到肉，又唔想放ｄ雪藏肉入去，就咁煮素粥就算．

我放咗粟米

蕃茄，南瓜（全部切粒）

薯仔都係切粒

切碎晒既金菰

我冇放果皮，因為係早咗起身先決定煮既．水滾放冷飯，煮到滾起．



將所有材料放晒入去

煮一陣，收火，個煲唔好揭蓋，由得佢焗，咁放工返黎，煮返熱就食得啦．



冇為自己預備午餐，唔理啦，就算未煮夠火路，都照畢一兜返公司食啦．



就算咁，都仍然好好味喎，只要放少少鹽就得啦．高纖又夠營養．

其實仲可以放D雪耳木耳之類既東東去整色整水既，既然係急就章，就冇得咁講究啦。