我的童年回憶 - 夏日大獎賞

週末天氣熱，吃吃雪條解暑．

從前，脆皮雪條真係有花生碎架，而家係少少類似脆米既東東．



人大了，覺得枝雪條薄咗，細咗．但時至今日，仍然有夏日獎賞活動．

雖然我走入七仔只買了一枝出來吃，但都俾我中獎．Ｅ喎，對一對中咗咩先．

獎我食多條，都好呀！

細個果陣就係士多換既，依家就去返七仔換就得啦．

直到目前為止，買咗六枝雪條，食出四枝贈食：一條脆皮樂，三條豆豆樂．

換返黎既，仲有兩枝未食，即係仲有兩次中獎機會．就算都係落空，成績都非常唔錯啦．

最新消息：換返黎果兩枝，都有一枝中獎，又多一次機會啦！