Tea Buffet

華姐係七月之星，姊妹們又有藉口出黎聚下，大家決定去都會海逸食下午茶自助餐．



雖然現場有好多野食，但我之前果個星期嘟嘟黎，唔敢放肆，所以有好多野都冇食．

我食咗碗素翅，一隻蝦餃，兩舊炒腸粉，杏汁燕窩．



馬卡龍太甜，迷你葡撻好味，朱古力蛋糕都ｏｋ，但梳芙厘同焦糖燉蛋都麻麻．

烏冬，因為淥果位仁兄太求其，所以根本唔夠熱既．

我覺得呢ｄ豬扒仔出奇地好食

泰式湯味道都唔錯，可惜我近水尾先去飲既，又係唔太滾．

我最愛既哈仔，梗係點都要食．

竟然連兩隻流心款都有，雖然我冇食，但都抵讚．

 

阿靚模婷婷出場，佢都幾勁架，食力仲勁過我地．抵帶埋佢去食野架!

佢真係食架，唔係做下樣擺甫士影相架．

梳化二送我古古力，好好味架，我爭ｄ唔肯請人食．

華姐寶島歸來，仲分手信俾我地．

鄰近商場搵左海綿寶寶做主題，唔影返張相Whatsapp Bibi點得呀?



雖然我唔知點解咁多人喜歡海綿寶寶，但佢係台灣都幾HIT架。



呢三個小朋友就好鍾意影相

 
整古做怪，好似要用人拆景咁。

尤其婷婷，影完一幅又一幅，真係搞到落出雨先肯走．




天文台已經發出暴雨警告，我地去到旺角火車站，都幾大雨．

好順利上咗架就黎開既巴士，仲早過爸爸返到屋企．