免費午餐 - 陶瓷刀

係FB見到ANN用陶瓷刀做實驗，切完D矮瓜係唔會變色既，幾正喎，我雖然早就聽聞過有咁既事，但始終都冇用過。

早前逛百佳，好奇去部機度check下自己張卡有幾多分，竟然有8,010分咁多，儲咗幾個月，原來唔覺唔覺有咁多分。再行到貨架，見到一套兩把果刀，用8,000分就可以免費換到。一於換返黎玩下啦！



其實應該買埋個刀架既，但我唔夠分換，連加錢買都冇資格，咁唯有隨緣啦。

其實陶瓷刀出咗好多年架啦，初初係永安，見到推廣員拎黎切毛巾，真係幾搞鬼架。但當時售價實在太貴啦，所以諗都冇諗過要買。

依家唔駛錢換就冇所謂啦，一於換咗至算。但原來都有Ｄ要注意既地方架，我諗我只會用黎切下生果同熟食既唧。大小不良咁論盡，容乜易兩下俾佢地搞掂架。

平日切生果／熟肉我就係碟上切既，咁好啦，反正屋企果塊砧板都夠期啦。就買過塊砧板啦，點知買完塊紅A，先見到外國果D強勁版，要幾百蚊先一塊，要好好考慮下。樓下Three Sixty有得賣，大塊既要千幾蚊架，或者留返聖誕節叫阿仔送都好喎。

暫時將佢地放入櫃入面先，等遲D先開出來玩。