它來自土耳奇/希臘

阿仔去完旅行返黎，買咗手信俾我。

呢套香料，第一包唔曉，第二包係海鹽，第三包係九層塔，第四及五唔識，第六包係辣椒，最尾果包應該係百里香。



我知道果D係混合香料黎，背頁都有講佢地既用法既。我少煮西餐，都係過戶俾嬸嬸，等佢返去做下實驗把啦。

衰仔吖，真係估佢唔到，竟然識得買蕃紅花俾我玩! 咪睇小呢度得1g呀，要成一萬五千朵花，先可以做出100g既蕃紅花架，所以呢度都要150朵花先做到呢個份量既。有興趣知多d既，可以睇呢度: http://zh.wikipedia.org/wiki/%E7%95%AA%E7%B4%85%E8%8A%B1

仲要係有機既添! 等我都學人整色整水咁煮飯先。不過，都係等埋Bibi返香港我先整啦。

呢盒果仁，咁C大，如果等我地一家三口搞掂佢既話，未食到一半就會變壞架啦。

土耳奇特產，都幾貴喎，為起上黎都要成二百幾蚊。但佢勝在冇乜虛位，係全盒裝到滿滿既。

係公司行一圈，分俾大家試下，剩返盒底呢D，夠我地一家三口食架啦。

原來榛子最好味，雖然細粒D，同一般食開既好唔同，確係新鮮又優質呀。