做月餅

難得Bibi想整月餅，我當然唔會阻止。雖然粘土係手板眼見功夫，幾乎人人都做到。但係冇注入愛心同耐心既製成品，必然不完美。

我明知佢冇乜耐性，亦冇乜手作天份。做媽媽既，只有隨時候命，要教就教啦。

先搓好一些咸蛋黃，雖然數量不多，都花了一晚。

第二晚教她做餅皮，剷蓮蓉，再做餅。係威係勢用了半條粘土剷蓮蓉，最後都沒能耐用完。

風乾了好幾天，週末三催四請，才肯動手焗餅(上色)。

上色是很傷畫筆的，我當然只容她用舊畫筆。

丁點的顏料已經可以油完所有月餅的底色。

開始烘焙了，呢次就要用紅色、啡色、深啡色三合一，調配自然的烘焙效果。

油了冇幾多個，又話攰啦，收工去也。比著我? 早就油晒佢啦。做阿媽既，要忍手，可以提點，但千其咪太干預。由得佢唔靚就唔靚啦，旁人不大會察覺到既。旁邊幾個青綠色既，係綠茶紅豆月餅。


雖然有D焗過火咗，都總叫完工啦。唔理佢乾晒未，下星期就要寄出去架啦。