中秋賀卡

Bibi從小到大，大大話話以佢名義送出既卡，冇一千都有幾百．自從佢出世開始，每年既聖誕，新年，情人節，復活節，母親節，中秋節，萬聖節等等節日，我地都會送出自製卡片，順便向各親友匯報一下我地既近況．

到佢長大啦，就算是送一張留言、便條給朋友，可能都會花上點點心思，令平凡既訊息更添新意．

一晚，佢滿心歡喜送我一張中秋節卡，仲將做好的另外幾張俾我睇．




一寸小卡，用上簡單既設計．我相信對佢黎講，都花咗唔少時間架啦．



其實呢ｄ全部都係環保紙黎，我地習慣用隨手拎起既野做卡既。打開小卡，入面貼咗一張光面廣告．

這一張是送給我的，利用打孔機突顯月亮本色．

雖然簡單，都叫花過心思，勝過送我月餅．

大學生了，還是喜歡媽媽給她貼堂．千叮萬囑，要我好好帶返公司貼起。



我自當珍而重之，讓她企上呢個舞台．

I love you Bibi!