雪糕姐姐

市中心間老麥雪糕站冇咗，換上呢間雪糕店。




為表支持，見到有團購咯喎，我梗係要買返幾張雪糕券，捧下場既。

可以用$13食杯細既，又或者加多$4，食杯大少少兩款口味既。

用北海渡牛奶做既意大利雪糕

都幾多款口味架

我要咗完熟香桃同綠茶。綠茶味相當正，基本上單一口味食佢都唔錯。

其實啲雪糕都幾難畢既，要下下一畢就係適當份量，認真唔易。

啲雪糕姐姐真係畢到手軟



年青人係應該磨練下既，呢份工當然比同人補習既待遇差好遠，而且會辛苦好多，但學唔學到野，就你自己既造化啦。　

我企係度食，遠遠觀察一輪，實在都幾忙碌，不停有人試食同買雪糕。好彩繁忙時間都有四個人係店面，如果得兩個女仔既話，實在會手忙腳亂。而阿日本仔老闆呢，真係好勤力，企足全日，亦都好忙咁係度做雪糕。佢既辛苦，大家都有眼見，亦都可算係俾D年青人做個榜樣，等佢地知唔辛苦邊得世間財呢個道理。