IP Cafe

Bibi 28/8果日坐黃昏機回港，唔想痴痴地等。放工就與朋友去港島太平洋酒店一樓的西餐廳食自助餐。

二百零蚊既晚間自助餐，有魚生、壽司、長腳蟹、翡翠螺、青口你食，算好平啦。除咗橙汁、汽水、餐酒任飲。

熱盆雖然得十樣八樣，但都唔太差，尤其蒸魚同蒸鱔都ok，菜亦多。中湯係燉湯黎，西湯係忌廉湯，又有雞粥、燒烤食物、原隻風乾火腿刨俾你食，水果亦都幾靚，沙律冷盆我雖然冇掂到，但都食得下既。

另一邊仲有啲細細兜既薯蓉、薄餅、蔬菜天婦羅、麵包布甸之類既食物，甜品唔太多但都有十幾廿款架啦。算食得下，而且呢日我生日，仲有生日蛋糕送，可以拎走既。

係咁意都整幾件魚生先。

蒸魚、蒸鱔、炒桂花翅、時蔬炒海鮮、豬頸肉

見唔見後面隻火腿?

超薄蘋果批、麵包布甸

原本我唔諗住掂呢D冷食既，見佢剛剛倒咗一大堆蝦，就試兩隻啦。



沙律部影得太矇添 

呢D係薯蓉同撻

我諗我食咗好多件鱔

長腳蟹我冇食到，但朋友話唔錯。

蘑菰湯，試少少，又整多件蒸魚。

我比較喜歡食可以自己烘熱既包，感覺良好。

蒸鱔源源不絕供應，味道不錯，又新鮮。

呢碟係朋友拎既，佢話果件忌廉卷幾好食。

呢一碟係我拎返黎既，預咗唔好食，但竟然尚可。



整體黎講，食物唔算太豐富，但熱門之選，都叫樣樣有啦，咁既價錢，仲想點呀?

會唔會返轉頭? 會!