愚公移山

間屋住咗多年，都冇化過妝，好想將佢重新粉飾一次，希望過農曆年前可以完成。

大小不良，又話要返工，又話要返學。兩個都三更半夜先放工，尤其Bibi，跟本冇假放咁滯，我又點會咁殘忍焗佢地出手吖? 有時間我都留返黎親子活動去下街、食下飯好過啦。

我心信愚公移山既道理，係兩個月內，只要我肯動手，一定油得起間屋既。我係櫃入面搵到一罐爸爸以前買多咗既一罐白色油，雖然只係得一公升，但足夠我試油大門果一忽既牆同天花。經過評估後，我好有信心自己搞得掂。

首先，要的起心肝去買桶油。靠得住又較近可以買到漆油既地方，係蝴蝶村，我都拖咗幾個星期先去買。

風信子

手痕係漁農展買咗兩棵風信子。擺咗係間吉房度一星期，靜雞雞標高咗好多。

見佢都好似想爆咁滯，就拎返位度擺下。

真係開得幾快

原來佢既香氣都幾大，我打咗好多個乞嚏。

另一棵，原本落後大市既，都蠢蠢欲動。我唯有放佢入阿仔房，俾佢睇下。

呢個哥哥仔張檯七國咁亂，我搵到個位置擺得落佢都算叻啦。

一個週末過後，兩棵野都玩跳樓黎，上重下輕，梗易跌啦，但居然冇跌親佢地喎。

仲開得越黎越爆

我買果陣又話係粉紅色，點知係桃紅色黎！

由頭發到尾

睇下底部既根生得幾勁!

我初初都係用枝筷子去支撐住佢既

但好快佢地就長高咗

搞到枝筷子凌空飛起，咁點撐得住吖？

話就話開完剪走個頭，出年再生過喎，我邊有佢咁好氣，慢慢等佢一年吖？

你的畫作訂單 - Aiya天使的禮物

這是某某的大作，她希望我以此雕製一個印章，送給她作生日禮物。

正餅

無意中買到呢排夾心威化，見佢剛剛開箱，夠新鮮嘛，＄２２一盒，就買黎試下。



打開個盒，金光閃閃，一共有十塊。

獨立包裝

打開係咁款既，因為冇密封包裝，一開咗就唔該你快快啪晒佢。一唔係就即刻搵存氣盒裝好，以免錯過咗佢風光燦爛既日子。

咬啖睇下，好鬆化好味。咦，乜咁似金莎既？原來佢真係同一間廠出品架！為起上黎兩個二一塊，抵過食粒金莎喎。

呢一款，都係類似物體，但就有Kinder feel啦。＄９五塊，即係個八一塊。

呢位佳麗來自奧地利

質感唔錯，因包裝得宜，保質能力較強，冇咁易受潮。味道亦唔錯，雖然比金莎威化略遜，但平佢咁多，所以可謂旗鼓相當。

兩款都值得試下，講明先，兩款都甜，你地都知金莎咩味架啦，又唔係dark choco!

華府團拜

17/2，大家約定了黃昏到華府團拜．趁時間尚早，正好到上水私人教授一堂粘土班，既可以把做手作的樂趣傳開去，又可以將即堂的製成品送予二少奶，好等她明年照版煮碗，複製迷你富貴竹予各兄姊，孝敬一下各路耆英．（若有興趣看看製成品，大家可重看昨日那篇：蛇年竹報平安, 富貴吉祥 (七)）

六時許，各路人馬到齊，到會食物亦及時送到．有關安排到會機構，聘用智障人士，值得支持。

蛇年竹報平安, 富貴吉祥 (七)

最初做好果三盆，我選咗一盆出黎，係收爐果日帶返公司送俾嬸嬸。

係，我去到年廿七，手頭都仲係得第一盆試驗品同兩盆新添架咋。

 

我揀呢棵黎上盆

咁我仲要係咁意加返D裝飾先有賀年氣氛架。所以我特別做了一批小揮春。我搵唔到大紅色既環保紙，唯有用有少少坑紋既環保信封黎整啦。

咪以為佢地易做呀，膠紙係唔可以好燙貼咁蝕係呢D坑紋紙度既，所以刮刮刮都花咗好多時間，尤其佢地打個乞嚏都會飛走既。

選咗一對，就貼好佢，呢個就係我今年既定案啦，可以送俾嬸嬸架啦。係未送出去之前，我都有俾其他同事觀賞下，大家都好興奮咁爭住要同佢拍寫真。

年廿八，洗邋遢，我請咗假去洗刷抹刮。好慶幸自己有呢個決定，正好俾少少時間我走盞，去完成埋呢D年禮。

八棵內膽排排企。

再添埋外圍既竹，就成形啦。

呢度九盆架啦



要上盆啦，我得返好少綠色粘土咋喎，要再搓過呀? 好煩喎，咁點好呢? 早幾個月，Bibi呃鬼造月餅，用剩咗好多蓮蓉，咁就用埋佢啦。

我用咗黎做內膽

再蓋一層綠色上面，鉗出草紋。

再上盆

再逐一貼上小揮春

因為做多咗一棵試驗品，所以唔夠盆用，我既盆仔存貨，已經用晒，咁點呢?

咁唯有用塊圓木做底，將試驗品果棵放上去，做set日式架啦。

雖然送咗一棵俾人，依家仍然有十盆係度。



人人都好想自己係幸運兒，可以配給到一盆。

有d朋友仲話: 你做開又唔做多d!

嗄? 你估啤出黎架，每盆都要好幾小時先完成到架，縱使我已經係一個熟手女工，d工序都係唔慳得既。以呢盆野既獨特性，相信喜歡收藏迷你小物珍品既朋友都好願意訂購，尤其用黎送俾德高望重既長輩，一定會令佢地好開心唧! 但我實在冇咁多時間同心機去整咁多出黎。

今次，我決定留返棵俾自己，



我既富貴竹林就係咁誕生架啦。



俾個高炒既角度大家睇下:



呢個係蛇年富貴竹陣，正好為蛇年添喜氣，恭喜! 恭喜!

蛇年竹報平安, 富貴吉祥 (七)

最初做好果三盆，我選咗一盆出黎，係收爐果日帶返公司送俾嬸嬸。

係，我去到年廿七，手頭都仲係得第一盆試驗品同兩盆新添架咋。

 

我揀呢棵黎上盆

咁我仲要係咁意加返D裝飾先有賀年氣氛架。所以我特別做了一批小揮春。我搵唔到大紅色既環保紙，唯有用有少少坑紋既環保信封黎整啦。

咪以為佢地易做呀，膠紙係唔可以好燙貼咁蝕係呢D坑紋紙度既，所以刮刮刮都花咗好多時間，尤其佢地打個乞嚏都會飛走既。

選咗一對，就貼好佢，呢個就係我今年既定案啦，可以送俾嬸嬸架啦。係未送出去之前，我都有俾其他同事觀賞下，大家都好興奮咁爭住要同佢拍寫真。

年廿八，洗邋遢，我請咗假去洗刷抹刮。好慶幸自己有呢個決定，正好俾少少時間我走盞，去完成埋呢D年禮。

八棵內膽排排企。

再添埋外圍既竹，就成形啦。

呢度九盆架啦



要上盆啦，我得返好少綠色粘土咋喎，要再搓過呀? 好煩喎，咁點好呢? 早幾個月，Bibi呃鬼造月餅，用剩咗好多蓮蓉，咁就用埋佢啦。

我用咗黎做內膽

再蓋一層綠色上面，鉗出草紋。

再上盆

再逐一貼上小揮春

因為做多咗一棵試驗品，所以唔夠盆用，我既盆仔存貨，已經用晒，咁點呢?

咁唯有用塊圓木做底，將試驗品果棵放上去，做set日式架啦。

雖然送咗一棵俾人，依家仍然有十盆係度。



人人都好想自己係幸運兒，可以配給到一盆。

有d朋友仲話: 你做開又唔做多d!

嗄? 你估啤出黎架，每盆都要好幾小時先完成到架，縱使我已經係一個熟手女工，d工序都係唔慳得既。以呢盆野既獨特性，相信喜歡收藏迷你小物珍品既朋友都好願意訂購，尤其用黎送俾德高望重既長輩，一定會令佢地好開心唧! 但我實在冇咁多時間同心機去整咁多出黎。

今次，我決定留返棵俾自己，



我既富貴竹林就係咁誕生架啦。



俾個高炒既角度大家睇下:



呢個係蛇年富貴竹陣，正好為蛇年添喜氣，恭喜! 恭喜!