係FB見到有人整迷你富貴竹，都想整返棵，但我都係嫌大，係整都要整再細D既。
蛇年既年禮主題又未定，不如就整佢啦。但係懶人係冇葯醫既，唯一可以催逼到我既，就係時間無多。
拖拖下，就黎做唔切先肯郁手做實驗。我話晒都未整過，又未同富貴竹談過心，連佢實在係咩樣既，都唔係太清楚。上網搵咩? D相又唔係好夠仔細，睇唔到我要睇既部份。
算啦，咁就求求其其，對手鍊到咩樣就咩樣啦。
首先梗係要有碌竹啦，呢樣野，我都做得到既。求其拎粒青色粘土試下先!
蛇年既年禮主題又未定，不如就整佢啦。但係懶人係冇葯醫既，唯一可以催逼到我既，就係時間無多。
拖拖下，就黎做唔切先肯郁手做實驗。我話晒都未整過，又未同富貴竹談過心，連佢實在係咩樣既，都唔係太清楚。上網搵咩? D相又唔係好夠仔細，睇唔到我要睇既部份。
算啦，咁就求求其其，對手鍊到咩樣就咩樣啦。
首先梗係要有碌竹啦，呢樣野，我都做得到既。求其拎粒青色粘土試下先!
加枝芽仔睇過，差不多啦。
咁點先可以砌到一盆富貴竹呢? 因為去到咁細，基本上人地既正常做法都唔啱我架啦。唯有自己度掂佢啦。
都考慮過要唔要做埋竹節架，富貴竹其實都有翠綠色同深綠色既，視乎不同品種啦。呢枝就淺色得滯，費事D家姐問我俾碌蔗佢地做乜啦。第時會做深色D既，等個竹節明顯D。
我咁慳家，梗係一枝當兩枝用啦，長短樁包晒。
其實剪出黎既頭頭尾尾都可以有其他用途架，但費事儲咁多垃圾啦。
人地D迷你富貴竹係用飲珍珠奶茶既飲管做內膽既，我呢D超迷你既，用呢D 250ml 紙包飲品既飲管做應該差不多啦掛?
佢大約係枝工具捧咁粗啦。
拎D牙籤圍下，睇下可唔可行先。
嘩嗄! 乜要成十枝咁大食呀?
咁再做埋外圍咪 ......
真係希望工程喎 ......
係咪要縮沙整過第樣好D呢?
一定掂,俾你信心,加油,支持你.
回覆刪除[版主回覆02/06/2013 08:24:51]洗刷抹刮, 咩都唔做, 淨整呢d就實得啦. 但年尾真係工作多籮籮架.
係............
回覆刪除[版主回覆02/06/2013 11:49:33]
好有趣！本來我想弄桔，不過還是太忙，沒時間弄.......
回覆刪除[版主回覆02/06/2013 18:31:11]桔我已經送過，唔可以重複架。
好有心思！
回覆刪除[版主回覆02/06/2013 22:32:15]有時諗到, 都要真係execute到至得, 齋諗冇做, 時光隧道呀!
勁！
回覆刪除[版主回覆02/06/2013 22:33:52]當D粘土仲係hi一hi就會歪晒, 又或者印晒d指模上去果陣, 真係幾沮喪下架.
嘩, 咁搞法咪要整幾廿支先夠數 ???? 少啲恆心都搞唔掂呀
回覆刪除[版主回覆02/06/2013 23:48:28]最大既問題係我唔止要做一盆架，單計我外家，我對上有六個家姐同兩位嫂嫂，一家人一盆就好頭痕架啦。
[版主回覆02/06/2013 23:48:17]最大既問題係我唔止要做一盆架，單計我外家，我對上有六個家姐同兩位嫂嫂，一家人一盆就好頭痕架啦。
仲有幾日就過年囉喎，定工做呢Ｄ得喇，其他野唔使做牙
回覆刪除[版主回覆02/07/2013 06:21:28]我琴晚油左一晚竹，今晚應該搞得掂掛？