有皮越南腰果

越南腰果，一向都出名，只係香港人少D食唧。



而呢款呢，就至啱我心水啦! 事關佢係冇加調味既。

大家可能比較少見到有連皮既腰果賣，但呢款係可以連皮食既，都幾鬆脆架。

如果你師爺D，想捽甩D皮先食咩?亦都好易架咋。感覺上仲冇咁熱氣添!

計我話呢.... 若然大家怕肥，驚自己一下子食得太多既話。你選擇捽甩D皮黎食，就會食得慢D，咁一次過食十零粒都夠啦。又可以過下口癮，又唔會太肥。

呢隻腰果，我試過之後，就想再買黎請大家食。可借自從間店俾自由人攻陷之後，我已經好少去啦，只係再返轉頭買咗一次(都排咗八個字隊架)。俾身邊好幾位同事，一人一樽拎返屋企慢慢歎。

乜唔重咩? 重架，都成磅一樽既。但係食到好食既野，我就不期然想分俾大家。我費事大家食咗少少之後心思思想買啦，咪買埋俾佢地咯。