正餅

無意中買到呢排夾心威化，見佢剛剛開箱，夠新鮮嘛，＄２２一盒，就買黎試下。



打開個盒，金光閃閃，一共有十塊。

獨立包裝

打開係咁款既，因為冇密封包裝，一開咗就唔該你快快啪晒佢。一唔係就即刻搵存氣盒裝好，以免錯過咗佢風光燦爛既日子。

咬啖睇下，好鬆化好味。咦，乜咁似金莎既？原來佢真係同一間廠出品架！為起上黎兩個二一塊，抵過食粒金莎喎。

呢一款，都係類似物體，但就有Kinder feel啦。＄９五塊，即係個八一塊。

呢位佳麗來自奧地利

質感唔錯，因包裝得宜，保質能力較強，冇咁易受潮。味道亦唔錯，雖然比金莎威化略遜，但平佢咁多，所以可謂旗鼓相當。

兩款都值得試下，講明先，兩款都甜，你地都知金莎咩味架啦，又唔係dark choco!