靜心觀

承接上一個印章, 今回做一個完整的靜心觀.

喜筷

其實呢一日，我九點幾食早餐，兩點幾先食過烏冬，根本就唔餓。朋友五點幾打黎，話佢得一個人，問我晚上係咪一個人食? 爸爸同Bibi都開夜，原則上係既。

咁你俾少少時間我煮好飯，留咗飯盒俾爸爸先去食野啦。

靜

七姐的墨寶, 挑一個字來玩玩.

B Duck彩繪蛋卷

彩繪蛋卷興起，一路都冇玩過，呢輪鴨仔大熱，見到有個上課地點幾就腳，約埋D同事，齊齊去玩。

呢D係調咗色既麵糊，方便大家畫公仔既。



睇過導師示範



大家都好認真咁畫。

因為大部份人都未玩過呢D東東，所以個個都係用比較簡單既圖案。而我呢，就貪心，畫咗成個頭。

將呢張紙鋪係焗盆上，再放入雪櫃雪到凝固。

可以開始打麵糊，先預備蛋黃、麵粉同奶。(因為冇咁多個爐，所以有部份人要跟住導師，同步進行。)



將奶倒入蛋黃入面

再篩粉



再搞成滑滑麵糊



預備蛋白同砂糖



用攪拌器打起蛋白，分三次將砂糖加入

打到蛋白企身為止




大家睇完又照版煮碗自己黎

然後就可以將頭先既蛋黃糊拌入去蛋白度



口訣係: 兜底刮邊，好快就勻循晒



係雪櫃拎返自己畫果份圖案出黎，將麵糊倒入去，再掃平。



就可以放入焗爐焗啦。



焗十五分鐘咁上下，就出爐啦。認唔認得我D卡仔呀? 幾襯!

要放涼一陣，仲要先揭起四條邊透氣。



係呢個階段，睇黎大家既作品都幾得。

呢個係我畫既，枉我雕咗咁多印仔，唔記得寫字要反轉添! 衰咗!

 

其實我地可以任意裝飾四周既



所以有D人會畫多D花臣。

男仔版同女仔版都有

 

緊張時刻黎啦......大家要小心撕開張底紙啦。

到底成唔成功，就睇呢刻啦。

睇黎有D同事都好滿意喎。

而我呢..... 係全場至失敗果個，因為...... 你地見唔見呀? 我爭幾乎係全部圖案都留返晒係張紙上面，真係張紙仲清過個蛋卷上面既圖案。汲取教訓，下次我會醒少少架啦。

反轉塊蛋糕，搽忌廉。



跟住卷起



都唔係咩難度動作黎，大家都做得好好。




咋一聲就卷好



有D人既圖案都有甩甩離，但冇我甩得咁慘唧。

用紙卷返住條蛋卷，放入盒帶走，拎返屋企雪兩三粒鐘就食得啦。

我初初都唔敢拎出黎俾Bibi睇，費事佢踐扁我。

第二日，朋友問我好唔好食? 我即刻拎出黎切開試下，出奇地口感同味道都過得去，真係有少少感動。

雖然我的蛋卷失敗了，但沒有影響到味道。只是Bibi打開包裝紙後說: 原來只得紙上有圖案啊!

也不是咯，蛋卷上明明是沾有繪圖的呢!

呢個中心，我地應該唔會返轉頭啦。一來冷氣不足，二來做得唔夠專業，導師自己都冇紮起頭髮。

佢地真係捉到鹿唔識脫角，如果佢做好D，我地或者會介紹朋友上黎，或者再組團包班黎玩。導師可能驚我地超時，要我地一半人跟住佢一路做，咁你都知開住部電動攪拌器有幾大聲架啦，仲點鬼聽到你翕乜至得架?

呢個場舒適度不足，同事話觀塘工廠區烹飪教室既環境就好得多啦。而我呢，去呢D地方既經驗唔多，我上次去橘子烘焙做朱古力，雖然地方細細，連洗手都要出外面，但感覺就好得多。

 

Felix the Cat

見到人地去韓國旅行，食店入面有幅 Felix the Cat 既噴畫。

咦，係喎，點解我從來都冇諗過要整一隻黎玩下既? 可能我一早有考慮過都未定，只係當時自己未夠班，太複雜既話實整唔到，所以諗都冇諗過去整唧。

依家應該時機成熟啦掛? 拎咗張用黎整紙蕾絲既厚身牛油紙黎畫，都覺得自己大晒呀! 又想可以不斷循環再用，唔敢畫得大力。

一袋法包

等我整返個簡簡單單既印仔先!

鐵樹開花

公司棵鐵樹都算勁，就咁養係室內，都久不久開下花既。每次佢有花蕾，我地巡例都會同佢縛返條絲帶，攞個彩頭既。

訂造章 - 怡然自樂

人家送我墨寶作參考，講明不用忠於原著．

尋找舊日的足跡 - 灣仔

約咗黑咪見面，預備帶佢逛下我冇踏足成卅幾年既部份灣仔區域。

先到老牌茶記金鳳食個早餐，火腿庵列加包，兩樣都唔多掂，好醜食一餐啦。

守信

做人守信好重要架，所以我都整咗呢個印仔。

第一個母親節

點解我話呢個係我第一個母親節呢?

因為咁耐以黎，母親節呢一日我都係做老臨既。奶奶仲健在果陣，固然係以佢為專，我只係諗下送咩俾佢，拉大隊出去氹下佢開心就得啦。到佢唔係度，我地都冇再慶祝啦。

每年到呢日，求其大小不良唔激我，就已經算同我做節架啦。

今年比較特別，因為Bibi Year 2 開始返part-time，有經濟能力，唔駛再下下要我俾錢佢洗啦。除咗有禮物收之外，仲兩母女過咗日二人世界添。

因為佢第二日就要返Summer Intern，所以早上佢仲要做下功課先，我地差不多成十二點先出門口。

先去尖沙咀新港中心既大食代食Pepper Lunch。

真誠

我有點自戀，看書時很喜歡用自己製作的書籤。

苦瓜炒蛋

因為Bibi唔喜歡食苦瓜，所以我都好少買黎煮既。但同我一齊去買餸果位街坊，就經常買苦瓜。連出外吃飯，亦會點苦瓜炒蛋來吃。

我也隨興買了一隻較小型的回家煮煮看。

這款長身淡青色的品種苦味較輕，頗適合用來做苦瓜炒蛋。用刀破開兩邊，去瓤。

善良、成功

唔係下下雕印仔都咁順既，起稿果陣唔覺，雕完印出黎又好似唔夠端正既，都間中會出現架。