又係 PC 狗

Bibi問: 點解有人會鍾意PC狗? 仲話佢似一隻兔仔添! PC狗出道既時候，我都幾鍾意佢架，咁人地企咗咁耐，自然有佢迷人既地方既。



我原本就好有信心可以雕到完美無瑕既印仔既，事關今次我自覺畫得都唔錯架，係隻腳果部份矇D之麻。

我一路雕到呢個階段，都叫做好順利既。

點知..... 到我清理現場時，就發生咗意外。係我一聲慘叫底下，佢個鼻仔就甩甩離啦。

凡事有最壞既打算，依家最大鑊既後果只係佢唔可以好襟用，可能印多幾張就會唔要得。但依家都仲可以搏一鋪，收拾心情，將其餘部份雕好佢。

上完墨之後，就試印啦，所有彎位都做得好靚，唔駛改啦。

同佢著返件衫先

枝marker冇乜色添，叫做油好啦。

同大家say Hi! 啦!