茶

9/6果日行超市，發現好多中國茶茶包都做緊買一送一。即係平均每盒廿五個茶包既，只係五個幾唧，為起上黎一蚊有五個茶包，真係好抵。停一停，諗一諗: 茶葉同茶包我已經有好多存貨，都係唔買啦。

再望下紅茶既茶包，咦 ..... 多咗隻新上架既品牌喎。仲賣$18.9一盒，100包裝喎。以正價黎計，佢仲貴過立頓喎。



等我拎上手睇清楚D至得。就係因為佢話Since 1903，即係英國老字號喎，一間公司可以有過百年歷史，應該靠得住掛?

仲有埋呢個鑑定，信心保證咁款喎。

呢個字號仲係扶助弱勢社群既，直得支持。

佢地都算係良心企業黎，所用既茶袋都係可以分解既。

原來一個茶包，用黎沖杯200ml既茶，都有兩卡熱量架。

我打開個盒，拎起d茶包黎聞過，同立頓差不多氣味。

我地飲慣港式奶茶既，梗係要濃為原則啦。立頓我都用三個茶包啦，所以我都用返三個黎沖一杯睇下，效果唔差得太遠，但因為大家溝茶葉既配方有偏差，我就覺得佢冇立頓咁好。依家係佢只係收立頓一半既價錢，咁就係抵啦。

同日我仲買咗其他抵買既野:

 

芒果棉花糖終於再度登場，雖然只係迷你版，都可以止下咳架啦。



素雞$8.9，平過街市啦。

午餐肉平均$7.5一罐，都可以試下既。

米線$8.9三包，同烏冬比起黎就唔算平既。但跟同一品牌，附有埋湯包果d比呢，就平好多啦。