魚翅與花椒 (Shark's Fin and Sichuan Pepper) A Sweet-Sour Memoir of Eating in China, Fuchsia Dunlop

呢本書，真係估佢唔到呀! 一個係英國讀學術既女仔, 原本好地地有份唔錯既工既, 無啦啦又申請獎學金到中國讀書。原本擬定研究計畫既主題係中國對少數民族的政策, 但到咗中國竟然踏上學煮中國菜之路。




單單睇上面呢段，已經先聲奪人。我仲以為係翻譯既功夫做得好，所以文筆咁有層次。但一路睇落去，似乎英文版一定係描述同佈局都做得好流暢，文章本身亦寫得精闢深入，唔似係譯者既功勞喎。全書三百幾頁，印到密麻麻，我都肯捧出捧入咁耐，直到睇晒為止，就知呢本書確係唔錯啦。

待我抽一篇作者寫既食譜俾大家睇下啦:

睇落係咪有板有眼呢?



書中提及好多中外文化雙方既誤解，亦引述不少古人事跡，運用亦洽當，資料蒐集可真下過功夫。

呢位英國大姐真係豁出去，咩都食，包括蛇蟲鼠蟻、狗肉、內臟、兔頭、雞腳、鴨舌等等。

到底佢點解會去到四川烹飪高等專科學校度學煮四川菜? 又有咩機緣令佢可以走上探索中國菜之路? 讀一讀呢本書啦!

P.S. 饕餮呢個詞，我都係睇完呢本書先學識架，係指古代青銅器上所見之貪食凶獸。音滔鐵。我由細到大，間中都會睇到呢兩個字，一路以來，只曉得讀第一個字，因為D食家通常被人稱為老饕，所以我早就曉。重來都冇走去搵埋第二個字既讀音既，有日連爸爸都係街度指住兩隻字問我點讀? 我都唔識答，再係呢本書度見返，咁好啦，就上網搵一搵啦。