九巴八十週年紀念八達通

今年九巴八十週年紀念，出咗款舊式車票圖案既八達通，送俾各位員工作紀念。



話公司之所以有今，實有賴各同事既專業同團隊精神，所以先出張咁既八達通俾大家留念。

雖然呢張野係冇附設按金既，但據聞已經俾人炒到三百幾蚊啦。

爸爸連包裝都唔捨得拆，話留返黎紀念喎。睇怕佢都係唔會拎黎用架啦。

咁啱上公司拎呢張野果陣，有主任問邊D同事五、六月生日既? 係既話，就可以拎多張現金券，當係生日利是咁話。

二十個大洋，好彩餅店同快餐都適用咋，如果唔係，就真係執條襪帶累身家啦。