午餐@西宮

星期六返工場，特意早走，訂了12:30，跟Bibi撐檯腳去。半自助午餐，可以由12:00食到14:30，吹水勝地。

位於開心廣場6/F，自助午餐六十幾蚊起，包自助餐湯、前菜及任食甜品，真係平過食茶記。環境就別要求了，就當這是茶記吧!

是日餐湯是日式麵豉湯，有海帶、豆腐粒在內，我沒興趣試。只要了忌廉蘑菰湯。前菜有大量沙律素食材料，非常適合素食人士。我隨量試少少就算。

三角豆很好吃，所以再來一點，生果有菠蘿、西瓜及哈蜜瓜。

前面檯來了一碟意粉，賣相不錯。我zoom埋去，偷拍成功。

後面一碟雞扒飯(西式餐牌最便宜的一款)，皮脆大件，亦很吸引。

我點了豬軟骨窩，原本配有白飯的，我胃納有限，請人家把白飯撤了。熱騰騰的湯，內有軟腍豬軟骨及菜蔬，味道適中。 

Bibi的煙肉班尼迪蛋，包上有一塊薄煙肉，把蛋墊著，伴有薯角及生菜，都不錯。

甜品方面，乳酪做得不錯，牛奶布甸及泡芙也好吃。所有甜點都不會過甜，要順著甜度來吃，否則會覺得淡。

因為甜品甜度不高，吃罷仍然可欣賞到水果的甜美。

兩位只要這個價錢，連加一服務費，哪裏找? 

我唔主張大家點呢個所謂全日早餐，事關兩條腸仔、煙肉、煎蕃茄、火腿都係唔熱既，炒蛋加半個包、冬菰、幾條薯條就係暖既，落單時仲話要人等九個字，以為佢係即造既，咁應該好新鮮，點知完全唔掂。