星期六，老闆唔駛返，冇王官，亦係作反日，用黎清ｄ濕碎野既．
臨近聖誕，又要送酒，送卡，送禮物出去，單單打包已經做到一頭煙．
正係忙緊之際，有個小妹妹拎咗呢包東東俾我，米奇老鼠曲奇喎！
正面仲靚仔，得兩塊，唔捨得食住．
放工約咗爸爸去元朗食滋味齋，我一樣要返碗鮮菌斑腩飯，水準唔係如一，係高ｄ添！可能上次我去食果日，係齋期，人地太忙，做野叫做冇咁好掛．今次佢地清閒ｄ，做得更認真呀，ｄ斑腩真係新鮮炸架，脆卜卜，我喉嚨涸，唔敢食，爸爸食晒咁滯．佢另外叫咗碟薑米田園炒飯，我都試咗兩匙，都幾正架．兩款都跟例湯，我地仲加咗碟菜，埋單只係$57，算抵食啦！
我地實係約係呢度會合既，咁啱佢地既聖誕佈置係呢個主題，係咁意影返幾張相俾大家睇下啦．
食完野，係咁意買咗五個啤梨($10)，一磅燒賣($12)，一磅魚蛋($20)，半斤鯪魚肉($12)，一斤豆卜($20)，兩斤又靚又冇渣既北京菜心($8)，同埋半打老婆餅已經好滿足啦．其實我仲想係ｄ舊式麵包店買下野架，後尾都係費事拎咁多野先收手咋．
生活上時有驚喜，星期四放假一天，係屋企hea足一日，又唔願執屋，又唔願做手作，連午餐都懶得煮，又冇落過街．其實臨近聖誕，公司都有一大堆野等住我做，但假期又要清咗佢，唔敢放多幾日，都係一日半日咁放下，唔係復工果陣就慘啦！（屋企仲有細路，我習慣留返ｄ假預俾突發事件既，所以如無必要，唔會老早放晒ｄ假，有咩頭暈身興，都仲要我呢個呀媽頂住架麻．）
點知星期五果日返到公司，一路係度清野，搞咗幾粒鐘都未清到ｄ野，到老闆返啦，佢拎咗呢件野出黎俾我．原來係佢既朋友托佢送俾我既．
呵呵．．韜佢既光，間中都會收到佢ｄ朋友既禮物．
唔好客氣，照顧好自己既老闆，係我既份內事，咁間中同大家有索連，在所難免架啦，唔駛多謝我咁嚴重既．
聖誕節咁好氣氛，有禮物收就梗開心啦，咁人地都係想我開心下唧，真係多謝晒呀！
自從戲院里間美心裝修咗之後，佢既麵包蛋糕都精美咗好多，一些特別款式既蛋糕，價錢亦比同系既連鎖餅店高好多．
從前午餐我偶爾都會在此買即做三文治，喜歡可以自選特式包同餐湯，佢既菠菜忌廉湯同周打蜆湯都幾夠濃架．
呢次，因為天雨，加上懶，想行少ｄ，又想食ｄ熱野，又唔想點駛排隊，就走黎呢度睇下午餐啱唔啱胃口啦．
咦！依家午市又獻新猶喎，有即做意粉餐，＄３２一客意粉＋餐湯．
主菜我選咗豬扒加煙肉，配菠菜忌廉汁．(佢地基本上提供三款汁俾你揀既：茄蓉汁，黑椒汁，菠菜汁)
唉吔，又俾我撈過黎添，你地睇唔到ｄ鬼佬豆芽同車厘茄原來既靚樣啦．
叉一箸入口．．．．乜咁鬼熱架！簡直開心到爆呀！意粉唔會太硬，又唔過籠，簡直啱啱好呀！咁既溫度，好多餐廳現場食都未必有呀．咁到底有幾熱？足可以令ｄ生勾勾既豆芽冇晒草青氣（我平日實揀開架，唔鍾意ｄ草青味），咁算唔算得吖？加埋ｄ咁好味既汁，又唔會太咸，正到暈呀！
冇諗過佢俾咁好既煙肉架，我仲以為係普通早餐既長條煙肉添！
無骨豬扒，軟滑夾好味道，一開二，都有成塊架！
咁個湯呢？哦，我揀咗周打蜆湯．
嗄．．．．．
唔覺唔覺，飲晒，唔記得影添！
我頭先有諗過影架，但又唔想未飲就洩咗佢度"真氣"吖麻，咪諗住食完ｄ意粉，一陣先影都未遲咯．
點知．．．對你地唔住咯！
P.S. 過幾日，又走去買黎食（想唔肥都幾難），我今次要蘑菰汁，唔想食雞，所以食返豬扒，又揀返煙肉（其實有得淨要豬扒既），味道都仍然過得去．但因為有心理準備，所以都冇乜驚喜ｌｕ．
今次得記影返杯湯過你地睇下啦！
錯過咗同事叫外賣既落單時間，原本都疊埋心水係冰格拎咗包好e食意粉出黎，諗住將將就就又一餐架啦．
點知十二點幾一個電話到，就失驚無神出咗去聚舊啦．
今次又係呢間，銀座藏人．唔想食返以前食過果ｄ，轉下口味先！
呢set係朋友既壽司烏冬套餐，是日前菜係茄子
我呢份就精彩啦：黑椒雞扒飯＋細湯烏冬＋前菜茄子
ｄ雞扒呀，係好多件疊埋一齊既，食到尾都咁多餸，唔好好似吉野家咁慳住食先可以送晒ｄ飯．配菜亦切得有心機，三色椒加洋蔥絲，我唔食洋蔥，揀出黎一大堆呀！黑椒汁既味道亦調得好好，微辣，睇怕Bibi都係頂唔順架啦．
今餐，好滿足啊！不過，呢輪真係肥咗好多呀！
是緣份嗎？除了牛B外，爸爸的推拿師父也是跟他同一天生日的．
一天上過課後，他告訴我原來老師跟他同一天生日，師兄提議在師父生日當天跟他慶祝．爸爸當然一萬個願意啦，因為即是變相跟自己慶祝麻．他想我為他做一個粘土蛋糕送給師父，聊表心意．
我回應：成！但你要預早一個月前提我開工啊！
爸爸見我這會兒天天在作苦工監，便道：反正你也在弄姨媽姑爹的聖誕禮，你可以順道做一個呀！
就是這樣，迫上梁山，做了這個蛋糕：
我：你要的仁心仁術做好了！
爸爸戴上大眼仔，一面翻看我剛從餅店帶回來的宣傳單張：怎麼這樣簡單的啊？（再指著單張上的蛋糕）不是做這些款式嗎？
我：我才不要做那些呢，多醜！你知道這蛋糕特別在那兒嗎？正正是頂上的兩顆車厘子啊！
這可是貨真價實，兩年前做的車厘子啊，如今看來仍鮮活亮麗，用這麼昂貴的日本顏料，確是物有所值．
加上這"名貴"禮盒，任你挑著燈籠四處找，也找不到這樣子的蛋糕呢！
不過，它可要放入冷宮冰鮮半年，等到師父生日才送出去啊！
可能大家會覺得我有點土氣，但訂製這些蛋糕送給醫生朋友，也是個不錯的主意呀！
近來天氣乾燥，我這麼懶，當然冇好好地咁去搽野啦．
或者已經有人看不過眼了，今天收到一枝潤手膏，Hand Therapy咁誇？！
我只係打咗一次手指格仔唧，咁就要補返下拿？
係啦，知啦，咪袋住係身咯．．．．記得就搽啦嗄！
收到兒童癌病基金的邀請，出席他們在白田村的暫顧及復康中心開幕禮，一向是路盲的我，掙扎了好一會才決定到那裏看看，順道了解中心的運作。
就在東亞運動會開幕的一天，下午，我戰戰兢兢的獨個兒乘地鐵往石硤尾，再轉9M小巴到白田村，或者見我笨笨的向司機查詢，好心的鄰座乘客在下車前，為我指示了第九座的位置。下車後，沿著第九座而行，人未到已聽到悠揚的現場演奏的管弦樂，簽名留念後，旋即偷步入內參觀。
簡潔亮麗的中心，處處張貼著小朋友的畫作，營造出歡樂平和的氣氛。工作人員笑容滿面，兩位「陽光小子」充當癌病兒童的大使，小諾文大方的帶大家看看她的畫作，戴著口罩的皓皓則因仍在康復中，要坐下稍事休息，我當然趁機視察中心的活動室及遊戲治療室啦。不便像小影迷一樣到處拍照，只在臨走前拍了一幅門前照。
各位到場嘉賓，均獲致送這本「平凡？不平凡！３１個兒童癌症康復者愛與希望的故事」。在回家的路上細閱，一面為他們成功擊敗癌魔而欣慰，一面被內裏饒有意思的字句牽動。
其中一位媽媽向當年得病的孩子說的一句話：「如果生命在今天終結，不要害怕，因為我們沒有浪費。我永遠愛你。」
好多人都怕將個愛字說出口，但我跟Bibi郤習慣將”我愛你”掛在嘴邊，縱使她聽罷回應：Orz！
另一位生命小鬥士則希望將積極的訊息帶給那些有自殺念頭的人：．．．沒有不能承受的厄運，沒有克服不到的困難，沒有跨不過的過去．．．
其實，我覺得更重要的，可能是在適當的時候有人扶上一把啊！大家可願意當個適時扶人一把的天使呢？
因癌病而截肢，長大後成為醫生並在屯門醫實習的家樂，立志日後要成為骨科醫生．他說：人生路上難免會遇到挫折和痛苦，生命中總有不完美之處，然而每一階段的經歷都是為著使下一階段做得更好而作準備，所以最重要的還是要懂得正面地看待困境．
另一位康復者，想到媽媽的處境：她每次來看我時都好像精神奕奕，滿面笑容，但她頭上添了很多白髮，很想安慰她，我們都會熬過去的，但又怕觸痛她．（小小的心靈，多懂體恤媽媽啊！）
未看完整本書，已急不及待要為大家介紹了，剛登場，雙語印刷的一本好書，有機會找來看看吧，定有一篇故事感動你！
收到兒童癌病基金的邀請，出席他們在白田村的暫顧及復康中心開幕禮，一向是路盲的我，掙扎了好一會才決定到那裏看看，順道了解中心的運作。
就在東亞運動會開幕的一天，下午，我戰戰兢兢的獨個兒乘地鐵往石硤尾，再轉9M小巴到白田村，或者見我笨笨的向司機查詢，好心的鄰座乘客在下車前，為我指示了第九座的位置。下車後，沿著第九座而行，人未到已聽到悠揚的現場演奏的管弦樂，簽名留念後，旋即偷步入內參觀。
簡潔亮麗的中心，處處張貼著小朋友的畫作，營造出歡樂平和的氣氛。工作人員笑容滿面，兩位「陽光小子」充當癌病兒童的大使，小諾文大方的帶大家看看她的畫作，戴著口罩的皓皓則因仍在康復中，要坐下稍事休息，我當然趁機視察中心的活動室及遊戲治療室啦。不便像小影迷一樣到處拍照，只在臨走前拍了一幅門前照。
各位到場嘉賓，均獲致送這本「平凡？不平凡！３１個兒童癌症康復者愛與希望的故事」。在回家的路上細閱，一面為他們成功擊敗癌魔而欣慰，一面被內裏饒有意思的字句牽動。
其中一位媽媽向當年得病的孩子說的一句話：「如果生命在今天終結，不要害怕，因為我們沒有浪費。我永遠愛你。」
好多人都怕將個愛字說出口，但我跟Bibi郤習慣將”我愛你”掛在嘴邊，縱使她聽罷回應：Orz！
另一位生命小鬥士則希望將積極的訊息帶給那些有自殺念頭的人：．．．沒有不能承受的厄運，沒有克服不到的困難，沒有跨不過的過去．．．
其實，我覺得更重要的，可能是在適當的時候有人扶上一把啊！大家可願意當個適時扶人一把的天使呢？
因癌病而截肢，長大後成為醫生並在屯門醫實習的家樂，立志日後要成為骨科醫生．他說：人生路上難免會遇到挫折和痛苦，生命中總有不完美之處，然而每一階段的經歷都是為著使下一階段做得更好而作準備，所以最重要的還是要懂得正面地看待困境．
另一位康復者，想到媽媽的處境：她每次來看我時都好像精神奕奕，滿面笑容，但她頭上添了很多白髮，很想安慰她，我們都會熬過去的，但又怕觸痛她．（小小的心靈，多懂體恤媽媽啊！）
未看完整本書，已急不及待要為大家介紹了，剛登場，雙語印刷的一本好書，有機會找來看看吧，定有一篇故事感動你！
現代通訊發達，自從有咗電郵同msn之後，寄信既機會就少咗好多．
係呢度識咗咁多網友之後，間中都會收到大家寄黎既信件．
臨近聖誕，就會收到特別多郵件．呢ｄ就係係聖誕卡上剪落黎既郵票啦，我通常會儲埋成年先走去浸既．負責呢項工作既，當然係爸爸啦！但佢又老花，又唔識英文，所以叫佢分類都幾頭痕架．
通常見到個郵票崩咗，又或者接待處果位收信姐姐仔，監生同我用機氹咗個公司印上去個郵票度，就會有ｄ心痛．成個信封咁多位你都唔氹？好地地，做咩整花晒個郵票喎！
係呀，我仲有集郵架，都幾十年啦，係隨緣式既集郵，遇到咪收起佢咯，唔會刻意去買全新既郵票啦，就算買咗，都留返黎寄郵件俾朋友，等佢地收到開心下．我覺得收到特別款式既郵票係寧舍開心架．
我諗咁多郵票之中，多角形既郵票未算特別，最特別都係日本朋友寄黎既Hello媽咪郵票，成個郵票都係佢個頭形，夠晒特別啦．佢就夠醒啦，成個A4咁大既郵包，同我貼咗好多唔同款既細面額郵票上去寄俾我，未拆都已經識笑啦！個包裝就係禮物咯！
講開集郵，亦有段小插曲．話說我未嫁果陣，公司黎咗個好喜歡集郵既呀叔．當佢知道我都有儲開郵票既時候，就叫我帶ｄ郵票簿返去俾佢欣賞下．我果陣仲細，集郵既年資都係得十幾年唧，照計就冇咩好野係裏面既，但我都照抬到死死下咁，將果幾本大郵票簿拎返去俾佢睇．
呀叔睇完我ｄ郵票之後，就話：你ｄ郵票都冇咩特別，只係有一個梅蘭芳既郵票比較好，咁啱佢手上果套郵票就係爭咗呢個咁話．我都知呢個郵票係有ｄ歷史既，係一次偶然機會，移咗民既同學仔係屋企執ｄ舊信時剪出黎寄俾我架．當時，我二話不說，就抽咗佢出黎送咗俾呢位呀叔．
知道呢件事既人話我笨，做咩咁隨便就送俾人，話唔定個郵票係珍品黎．但君子有成人之美，郵票於我乃身外物，我多一個唔會多，少一個亦無妨，亦冇打算用郵票來投資或保值，只係純粹用黎欣賞下咁唧．
我送咗個郵票俾呀叔，佢老人家就滿心歡喜啦，咁有咩唔好呀？我叫得佢做呀叔，其實佢都唔細架啦，係退咗休再出黎做事果種黎，只不過佢當時比我老爸年輕，所以我先叫佢做呀叔唧．
我一向既認知，集郵係用黎怡情養性既．細個果陣，會用玻璃紙將自己覺得最靚既郵票包起先放入郵票薄架，係咪好傻呢嗄？
每年，都要幫老闆出聖誕卡，公司既，私人既．ｄ鬼好興加埋一張Christmas Letter，一家幾口，呀仔呀女咁，順便報告一下自家近況．
今年，呀仔有自己既囝囝啦，成為一個完整既家庭，可以自己出卡啦，唔駛再勞煩我lu．
收到呢張卡，真係覺得佢大個佬咯！
用BB相黎做卡既主題，係最易令人受落既，唔駛睇內容都俾夠１００分佢啦！有個sportive既爸爸，就梗係同佢整返ｄsportive look啦！
真係開心啊！睇住你由讀緊書，到出黎做野，跟住成家立室，依家囝囝都就快一歲咯，真係高興呀！
同朋友食飯，佢又送咗呢個東東俾我，係小孔打窿機黎，正呀！我得個大眼仔架咋，仲未有豆豉眼架，收到就寧舍開心既．
喂！口口聲聲對我講：「識到你呢條茂利要感謝神呀！」既傻瓜呀，我會好好玩下呢件玩具架啦！
查實，「茂利」點解既呢？
今日有移民多年的舊同事由加國返港，特地上來公司看看我，並帶了下列禮物做手信：
冷帽子，唔知爸爸會唔會同Bibi爭呢？
雪人公仔？難道她忘了Bibi幾歲了？不用怕，可以分給其他小朋友！
醒喎，呢款朱古力我未嚐過呢！
獨立包庄，內有軟心朱古力及榛子碎，脆脆的呢！
