星期六的驚喜

星期六，老闆唔駛返，冇王官，亦係作反日，用黎清ｄ濕碎野既．

臨近聖誕，又要送酒，送卡，送禮物出去，單單打包已經做到一頭煙．

正係忙緊之際，有個小妹妹拎咗呢包東東俾我，米奇老鼠曲奇喎！

正面仲靚仔，得兩塊，唔捨得食住．

放工約咗爸爸去元朗食滋味齋，我一樣要返碗鮮菌斑腩飯，水準唔係如一，係高ｄ添！可能上次我去食果日，係齋期，人地太忙，做野叫做冇咁好掛．今次佢地清閒ｄ，做得更認真呀，ｄ斑腩真係新鮮炸架，脆卜卜，我喉嚨涸，唔敢食，爸爸食晒咁滯．佢另外叫咗碟薑米田園炒飯，我都試咗兩匙，都幾正架．兩款都跟例湯，我地仲加咗碟菜，埋單只係$57，算抵食啦！

我地實係約係呢度會合既，咁啱佢地既聖誕佈置係呢個主題，係咁意影返幾張相俾大家睇下啦．

食完野，係咁意買咗五個啤梨($10)，一磅燒賣($12)，一磅魚蛋($20)，半斤鯪魚肉($12)，一斤豆卜($20)，兩斤又靚又冇渣既北京菜心($8)，同埋半打老婆餅已經好滿足啦．其實我仲想係ｄ舊式麵包店買下野架，後尾都係費事拎咁多野先收手咋．