上年執拾Bibi的文具，找到了這塊擦子膠，一套四件，最初收到時，已經開了一件黎擦野，留下三塊一直未有使用．默默的躺在筆盒中，過了十個寒暑．
拿上手，心中記起了小琪兒．媽咪迷啊！立即動手雕一個印仔．漂漂亮亮的，未用已經加分了．
這個當然是我的墨寶了，當年．．．我有俾心機落筆架！
沾上印泥，預備蓋章．
效果不錯啊！但想想：她的生日又過了，聖誕嗎？已經有blog blog趣禮了，總不成太偏心，讓她額外多一份禮物吧？
所以，只好留到今年才送出咯！媽咪產品，相信她都收過不少，這個麻，恐怕從未收過呢！
祝你生日快樂呀！
老闆外遊，忽然收到佢個鐘點嬸嬸既電話．
嬸嬸：我依家上緊黎．
嗄？你上黎做咩呀？
我黎到你門口啦！即刻出去睇睇，未行到出接待處，已經聞到陣陣粽子香味．
嘩！做乜你咁快就包粽呀？
你老闆飛咗，我得閒吖麻，我鍾意整俾你食咪包咯．
哈哈！發達啦！呢度係我同Bibi既配給．
爸爸都有專屬素粽架！
全部都是燙手般熱，我冇咁獨食既，都分咗幾隻俾人．
每年收到大家包既粽子，特別高興，特別感恩，或者因為我年紀越來越大掛？
又一個印篆陰刻章，因為唔駛清理現場，陰刻係快好多既，但就會出現粗幼不一既問題．
所以，多數都唔會一take過搞掂，要修下既．
改完一次又一次，修下ｄ角，又修下ｄ邊．呢個印係成個月前雕架啦，所以呢，技術就唔係咁純熟．字亦寫得有ｄ歪．．．
原來印在紙巾上，效果先係最正既．
如果．．．用Versa Craft，印上手巾仔度，又或者布布度做識認既話．．．真係唔錯喎！
計我話呢．．．比起英文名既橡皮章有型得多啦！
拿！拿！拿！八十後，睇下呢ｄ係乜東東？你地細個都唔慌有機會食過啦．
呢ｄ就係我細個果陣食既威化餅黎，放係果ｄ士多辦館入面既玻璃樽度散賣既，一般只會係云呢拿同朱古力味既唧，但我今次就買咗檸檬味．早年香港既康元餅廠都好似出過呢款威化，一大包透明袋既，但係就唔算受歡迎，依家都唔多覺眼有得賣啦．
打開咗係咁既，一大陣檸檬青香撲鼻而來．．．
咦！乜家陣冇咗大地兩個字做嘜頭架？
應該點食既呢？有ｄ細路就鍾意搣開一格格咁食，有ｄ就大啖咬．我呢．．．專係教壞細路既．．．．
梗係輕輕揭開佢，逐層慢慢歎啦！你話我食得生積都係咁話啦，咁先係細路o麻．
即係咁，唔想開過另一件黎示範俾大家睇，所以俾唔到一件揭開完整既你地望啦．
事關我仲要分ｄ童年回憶俾ｄ同事，齊齊開心下架o麻．
一個從來未食過呢ｄ格格威化既女仔話：你俾我食果塊威化呢．．．超好食呀！係邊度買架？
咪荃灣咯！要搵日同爸爸去開shopping先買到啦，等多三億五千萬年先啦！
網友又搞生日會，原本我都可以參加架，但因為我之前已經有約，下午有兩位老朋友既生日飯食，跟手佢地可能有餘慶，所以我五點就閃去赴另一約會，好似唔係咁好．
既然去唔到，就禮到人不到啦！
今次既主角係Show Me同開心快活人，老實講吖，我只認識Show Me架咋．但佢到底叫咩名呢？問咗幾個有份去既網友都唔知喎！真係無從稽考了．唔想打草驚蛇，初時我諗住為呢個製餅師整個 "酥咪製造" 既，但又驚佢咁年輕，接受唔到．都係咪啦，就整個Homemade by Show Me啦．哈哈，早上趕住寄出去俾信鴿媽打，又夠鐘開工咯喎，冇影到相．我衰到連蓋印需知都漏寄呀．．．
至於開心快活人呢，我初時諗住整"開心快活人印"既篆刻章俾佢既，但咁樣好似長咗ｄ，而且我又要趕住交貨，都係懶ｄ，做個方形章算啦．
我既草稿，已經好用心寫架啦，有ｄluen弓蝦米？冇有怕，一路雕，一路修正咪得咯．
呢款係變篆字，開心呢兩個字，我早就學識咗啦，但快活呢？真係估佢唔到，淨係象到個豎心邊咋！
雕好啦，加返ｄ色先，望落去都冇乜瑕疵吖．
印咗效果啦，ｏｏ地ｋ既．雖然第一印通常會未夠色既，唔再印過啦，費事晒墨呀！
送俾人，唔可以用呢個色，唔夠開心
不如就大路ｄ，用刻章最常用既紅色啦！我選了一個鮮紅的，咁就喜氣洋洋啦！
哎吔～～～，又俾我發現到蝦碌啦！乜咁論盡架？唔通我記錯？定係抄錯？噫或根本冇錯呢？個快字右邊最後一筆，係咪應該同個橫畫相連架拿？
我真係唔明白，點解依家ｄ後生女咁鍾意俄羅斯娃娃既？布布要揀俄B，印仔又話要蓋俄B．到底佢有咩魅力呢？
或者，呢ｄ就叫代溝啦．．．．
但係，為咗進一步了解俄B，我唯有親身上陣，自己整返個先！
唉～搞到佢成個阿婆咁．．
雕咗成晚，點都唔夠機器啤出黎既咁完美，Bibi連眼尾都唔稍一下呀！
第一稿，印咗出黎，佢個樣都幾可愛吖，都唔算好難雕唧，清理現場功夫仍未到家，可能我真係需要一ｄ工具輔助喎．
又玩下顏色先！
放工返去，趕住煮飯，快快手手試蓋就算啦，唔係，又有人話我失職架啦．一日到黑都掛住玩．．．．
嘴角多咗少少，修下先．
其實佢塊頭巾同朵花，我係用咗兩隻唔同牌子既紫紅色架，但蓋出黎竟然咁上下色喎．都係單色易搞ｄ，唔駛就住就住，快好多呀！
我老闆最鍾意郵購書籍，所以我成日都有包裹收．做人阿四既，就梗係會順手拆埋先交俾佢既．次次都有拆禮物feel架，咁就梗係唔似得拆自己既郵件咁高興啦！
昨日，我又收到一件啦！
咁重既？打開一倒，就跌咗兩塊擦膠出黎．
好多謝你呀，桃子！原來你去玩都記得預埋我．．．
我已經即日同你試用咗啦，你等收果件製成品啦．
我既用後感係：
呢ｄ擦膠要用ｄ力先雕到，同十蚊店果ｄ貨相比呢，就好似人地渣棍波車同渣自動波車既分別咁．雕一件出品，要花多過一陪時間先得．
如果初學者用呢．．．都已經好過用美心美勞果ｄ架啦，即使唔貴，都唔好大量入貨呀，用幾塊練習下就算啦，用果陣要好小心，因為你地未習慣用果度力，會易ｄ整親手架．
用一排呢種擦膠去練習既話，到你有一塊好質料既擦膠係手，你就會發現：二咦！乜自己已經咁好武功架拿？簡易係手起刀落，順滑流暢呀！
情形就好似人地縛住重物練跑一段時間，解除負擔後，跑到飛咁快一樣咯．就好似上次我地一家三口行年宵，行到我腳仔軟，爸爸揹我行咗一段路之後放低我，佢話突然間覺得自己曉飛呀！
又再拎起雕刻刀，今日要雕呢個小篆印，寫果陣寫到一pad pad，歪歪斜斜，但雕果陣自己知自己事，順便修正返，所以雕完又唔覺好樣衰既．
好明顯，我既清理現場功夫仲係麻麻，咁做人要老實，都唔怕俾個真面目你地睇啦！
將佢沾上印台
蓋出黎．．．．嘩！一take過，唔駛改呀！
雖然我影到佢好似ar ar地，但實物係四四正正架！
唔信？印多次係紙巾上俾你睇下！
我都好滿意．
過兩日，睇返．．．．咦．．．．蝦碌咗添！
不過，睇怕都好少人會知我衰係邊既．
我又要升呢啦！雖然休學咗一排，但假假地都叫做中學生麻，好應該係學期完畢前交下升班作業既．
咁都用咗三晚架啦，因為都幾傷神．佢有幾大？三寸咁上下長啦．乜我d手指咁短架咋!
弊！染咗少少花花既顏色去ｄ葉度添。下次啦，下次會小心ｄ架啦．
咩話？ｄ花瓣有ｄ岩蠶？
我專登架，咁先自然吖麻！
