與雀B同居第三天

已經第三日啦，阿四仍未出世．．．

（若然你冇睇到之前發生既野，可以睇返呢篇既：回歸寶寶 - 我家的新租客）

睇佢地咁款，攤晒係度，仲以為佢地已經埋咗單添．．．．

知唔知我點分佢地既大細吖拿？

丁咁大隻，點分呀？睇下佢地ｄ毛既生長情況就知架啦．

可惜我生得矮啦，實在唔夠高去偷睇佢地．我初初睇相，仲以為阿四都出埋世啦，但爸爸話下面幅相最右面既，係蘿pad黎咋．

印仔１０９ - to Megan

Megan快要升上小一啦！

尤記得當年她還是嬰兒時，我們偶爾會把她帶一回，好讓她的父母可以透透氣，過過二人世界．

變態既爸爸，最鍾意聽到BB既喊聲既．．．

所以出名既喊包，係我地度，喊係冇用架．．．

漸漸．．．淨識笑

Bibi其實唔係好敢抱佢架，事關佢都幾大舊下

每次抱佢，我地定會墊晒枕頭，借下力都好吖麻．．．

你估佢野少呀？

我還讓她穿上Bibi的百周年校服，拍了照片留念．

轉眼就六年，她亦順利升上小保良．希望她到時又可以順利再升讀Bibi的中學啦．

你的名字實在簡單，不怕被老師罰抄啊！

試試蓋在布上的效果，蠻不錯呢！

用來蓋在私人物品或新書上，肯定夠醒目了！

又試試蓋在織帶上，唔．．．．用這個來釘在校服上，就不怕跟人家掉包啦！

爸爸與雀B同居的第二天

七月二日，明知冷氣機入面有新住客咯喎，你叫爸爸點可以唔成日裝人地呢？（如果你冇睇到之前發生既野，可以睇返呢篇既：回歸寶寶 - 我家的新租客）

咦咦．．．乜好似．．．多咗個光頭仔咁既？

麥記開放日

麥噹噹開放日，歡迎任何人仕報名參加．

Bibi學校就組隊去參觀啦，點解會搞ｄ咁野？佢地去到，好似城市論壇咁，係答問時間，一提到話到底麥當勞既食物算唔算健康呢？個店長都有ｄ滴汗．．．佢竟然話要睇你對健康既定義．．．

我話：人家招呼你地，係好意黎．作為人客既，搞到人地太難堪，都算冇禮貌架．

Bibi：佢都答到呀，只係將問題輕輕帶過唧，答黎答去，即係冇答到咯．

我諗，經過呢班高中生既試練之後，個店長都學唔少應對上既野呀！

印仔１０８ - Needlecraft Workshop

人家問我回歸日假期做甚麼？我即答：雕印仔！

好像有許多印印還沒做出來．．．

這一個是早答應了人家的，雖說已教人耐心等候，但也不想拖太久．早點做好，人家就可早派用場！所以，其他小朋友，你地未有耐開學，所以拖住先．

這是人家的商標，當然要認真對待啦．

想了好幾日，對方善針黹細活，原本想用一條線把扮作尖針的英文字穿起來，圖稿也畫好了，但又恐妨印出來效果不理想，只好作罷．

既然絲帶繡亦是對方的主打，好，就用絲帶做主題吧！

認真地觀察實物一回，開始起草圖．七月一日那天，七時許起床，在心境最澄明的時候定案，認真的描圖．

一家三口出外吃過早餐後，三催四請，爸爸才開始清洗冷氣大行動，少不免我這個助手出力．到發現雀巢後，我已知道沒有我的事了，叫大家別跟我說話，閉關動工．

實在太多幼線及轉彎位，稍有疏神就會出錯，要我從頭來過嗎？可怕怕了！好不容易才完成頭一個字．

在心裏為自己打打氣，加油啊！屏住呼吸，再仔細地雕另一個字，終於完成！

近年眼睛不靈，真不知還可以繼續做多少個印章呢？

試蓋一下，噢！不用修改呢！試稿通常用淺色來印，相信配合其他顏色效深的印台，效果會更好呢！

見過鬼，怕黑了！

下回也不敢隨便應允人家的要求了！

希望你好好愛護這個印印啦！

香口膠

呢d香口膠，賣廣告果陣就幾型既，我都好想試下，但係超唔抵，要成九個幾，特價都話要八個半，打死都唔買！

問Bibi: 你試過未呀？

佢話試過，係同學請佢食既．

呢輪做推廣，只賣六蚊，三款口味，我冇買藍色既薄荷味．

打開先知唔係香口珠黎，係最原始既香口膠片．

橙黃色果款叫做水果味啦，入口有少少硬，但趙幾下就軟晒．

綠色果款，勁綠箭牌香口膠feel呀！

兩款都唔嗆喉，味道都算持久既，但係衰就衰在你食多兩食，就唔願再趙落去，好快就會想吐出黎．咁有ｄ失敗喎！唔似得其餘兩隻大牌子，點都可以捱到落車先吐出黎吖．

呃鬼薯片

世界盃熱，薯片零食都賣得比平時貴．

自從上過一次三文魚薯片的當後，對添味薯片實在沒好感．

尤記得當年Bibi求懇我給她買一包三文魚薯片，接著興致勃勃地把包庄拆開，誰料一嘗之後，真箇失望到極點！

今回，因為朋友在車上說起很想吃黑松露薯片，所以逛超市時見十六個幾兩包，就買下來了．

看起來很大包，其實一點也不大．

大大的袋，裏面裝著一包薯片及一包味粉．

先放半包味粉，把薯片搖勻，試吃一下，沒幾許滋味．．．

再將整包味粉倒入，又搖一下，還是沒甚麼味兒，做了冤大頭！

尤幸，附送的一條可以清潔螢幕的電話繩，尚算可愛，把怨氣消了．

 

回歸寶寶 - 我家的新租客

我家來了不速之客，近月來總是聽到冷氣機位有雀鳥叫聲，從廚房的窗望向睡房的冷氣機，竟然有小麻雀可以鑽到裏面去，難道．．．．．．

爸爸像滿有經驗地說：牠們一定是在冷氣機內築巢了．

為免發生太空迷航事件，他決定不開冷氣睡覺，好等小麻雀長成後才清洗冷氣機．

一等數月，本以為幼鳥早就長成飛走了．天氣越來越熱，沒冷氣的日子也不好過啊！

今日，趁著回歸紀念假期，吃過早餐就後就決定收樓大行動．

拆開冷氣機一看，早料到會有很多草料，用鉗子逐小夾出來．勉強清理了一部分，但原來機後的扇頁位還有很多草呢！

從另一邊瞄過去，似乎還有很多草未清理．

爸爸：我掏蛋的經驗豐富，待我伸手去檢查一下．咦！有蛋呀！怎辦呢？

我：被你搗過的鳥巢，雀媽媽恐怕會覺得危險，不再回來．你又不是不懂孵蛋，就掏出來，好好養大牠們吧．

爸爸心想：發達啦！今回可以名正言順養麻雀啦．．．．他的心，已經在幻想小麻雀經他調教後，懂得跟著他進進出出的情境．

為了要知道有多少顆蛋，爸爸架起相機拍張照．

將焦點較近．．．．

嘩！兩個光頭小子呀！

你看，牠們睡得多麼香．．．

爸爸：怎辦呀？

我：那你把小鳥拿出來，好好地餵養便成了．

爸爸：還是不要急，再觀察一會，若是鳥媽媽不再回來餵牠們，才考慮自己餵飼吧．

其實爸爸當時已經暗暗偷笑，盤算著下午到旺角買猛粉餵小麻雀．

巢內還有些蛋未孵出，牠們似乎是今天才破殼而出的呢！

尚未張開眼睛的小麻雀，像兩粒花生米連著一樣大，光禿禿的，十分可愛．

我想，我也敢把牠們放在手心呢．

後來發現，雀爸媽在對家的冷氣機位不斷探視，看來牠們或許會再哺育幼兒．就多給牠們一次機會吧！

Zoe的小小新意

話說又有同事離職，請大家吃餅，專誠光顧這家店

一件一件的西餅，方方正正的，面層只有簡簡單單的笑面作裝飾．其實當年我結婚，正正就想餅店為我做一些有個人風格的嫁女餅，可惜沒有門路，乾脆派傳統西餅了事．

想不到這許多年後，終於有人以此作招來．某同事問：這是甚麼味道呢？離職同事竟答：好味咯！

待我來嚐一口吧，唔～，是榛子味啊！

餅底是脆米做的，冷藏得冰冰涼涼，要趁著它最光輝的一刻把它快快放進長頸樽內好好保存啊！

吃過餅後，又要懺悔了～～～心中彷彿響起Bibi的警示：你又把不必要的卡路里吃進肚子內了！

翌日，在內聯網內收到離職同事臨別的一封電郵：

輕輕的我走了, 不如我昨日胖胖的來;

我揮一揮衣袖, 不帶走一點肥膏(in the hope of =P).