七月二日，明知冷氣機入面有新住客咯喎，你叫爸爸點可以唔成日裝人地呢？（如果你冇睇到之前發生既野，可以睇返呢篇既：回歸寶寶 - 我家的新租客）
咦咦．．．乜好似．．．多咗個光頭仔咁既？
哎吔！真係呀！依家有三隻啦！前面用背脊對住鏡頭果隻雀B，翼仔下面果隻蛋就係老四啦，佢好似仲未有意思出世咁喎．
越遲出世，競爭力就越弱，你地睇下阿三，真係鈍ｄ架．
好明顯，阿三仲未知咩叫江湖規矩．
仲係懵懵地咁．．．
不過，ｄ大佬都有示範佢睇架，學多幾次就會架啦，呢ｄ係本能黎．
雖然阿三好似有樣學樣咁，但佢淨識噩高頭架咋，冇張口喎，之但係咁，唔食幾日野都唔會餓親佢地既，事關肚仔仲有好多營養儲備架麻．
沒有留言:
張貼留言