已經第五日啦．．．．阿四仲係未出世．．．．
（如果你冇睇到之前發生既野，可以睇返呢篇既：回歸寶寶 - 我家的新租客）
你睇下佢ｄ哥哥姐姐，已經變晒鬍鬚佬啦．．．
翼仔側邊，再唔係一排黑色小點啦，連背脊都開始黎料添！
雖然佢地仲未開眼，但眼線已明顯開始形成．
至於阿三呢，佢都學到野啦，一有動靜，已經識得跟人一齊張開口討食啦！
你地估阿四係咪冇授精架拿？冇理由未出世架？爸爸話：如果孵唔出既蛋，照計媽媽會食返架喎．
到時就算阿四出世，佢地身型相差咁遠，好易俾大家壓扁．
咁到底我地應該人工同佢孵出黎，定由得佢自生自滅呢？或者，到阿四一出世，爸爸就會拎佢出黎寄養都未定．
一切，睇佢既造化啦．．．．
沒有留言:
張貼留言