第十三日，我放工返去，見到個冷氣機係廳，就知大鑊啦！
爸爸又點捨得為咗要涼冷氣，拆咗佢地個雀巢吖？
（如果你冇睇到之前發生既野，可以睇返呢篇既：回歸寶寶 - 我家的新租客）
呢ｄ，就真係正式既”羽絨”啦．．．雖然仲係好短，但都冇乜走光啦．
係原本裝冷氣機既位置，佢放咗個塑膠衣箱上去．仲專登開咗兩個窿，方便雀爸媽出入添．．．
原本係冷氣機入面既雀巢，佢拎咗出黎，放係膠箱入面．
見唔見呀？有條羽毛架，係佢地既門牌黎．
標示住：雀公館架．．．
後來爸爸又驚ｄ雀B仲細，最開便個窿咁易跌出街，容乜易佢地差錯腳，跳樓架．．．，咪又搵野頂返住佢咯．
點知雀媽媽都唔啱心水，話呢間夾屋環境差，情願要ｄ雀B訓樓梯底（即係雀巢下面），可能佢覺得有瓦遮頭有安全感ｄ掛．．．
咁好啦，再叫個側師返黎，改一改個設計啦．
拿示範單位就係咁啦，點睇呢？
有埋清水同營養師調配既飼料架．
服務唔錯哩，仲有遮蔭間隔，包唔會曬親．
經雀生雀太同成班姨媽姑爹參觀過之後，大家開EGM投票通過．據爸爸講，佢地成廿幾隻雀（有大有細），係冷氣機外打量咗一大輪，嘈到不得了，最後雀爸媽先肯飛入呢個新巢度咋．
咁呢度都好通爽既，係有專人打理既Service Apartment黎．
咪以為呢條la窄呀，其實佢地已經可以出入自如架啦．
見唔見到呢兜野有乜呀？有碎合桃同其他種子架，諗住佢地如果搞housing warming，可以用黎招呼ｄ親友既．
沒有留言:
張貼留言