Bibi學校就組隊去參觀啦，點解會搞ｄ咁野？佢地去到，好似城市論壇咁，係答問時間，一提到話到底麥當勞既食物算唔算健康呢？個店長都有ｄ滴汗．．．佢竟然話要睇你對健康既定義．．．
我話：人家招呼你地，係好意黎．作為人客既，搞到人地太難堪，都算冇禮貌架．
Bibi：佢都答到呀，只係將問題輕輕帶過唧，答黎答去，即係冇答到咯．
我諗，經過呢班高中生既試練之後，個店長都學唔少應對上既野呀！
當日派既禮物紙袋，入面裝有洗衣粉一小包，維他命C糖兩包仔．
仲有呢張檯墊，三款既，有足三兩，魚柳包同沙律掛？Bibi就話魚柳包最靚．
你睇下我隻手，就知佢有幾大啦，仲係俾人咬咗一忽走既．
最搞笑既係，竟然仲有張證書俾返你喎！我問：咁呢張野你點處置呀？
Bibi：唔通拎黎報U果陣，放埋入張履歷表度咩！
沒有留言:
張貼留言